¶ Von ſant Panthaleon dÿe epiſtel.¶ Beatus homo qui inuenit ſapientiam. et qui affluͦit pridentiam. Prouerbiorum. iij. ca.¶ Selig iſt d̓ man d̓ do vindet die weißheit vn̄ d̓ überflüſſig iſt in d̓ fürſichtikeit wān peſſer iſt ir gewin dē gewerbdes erſten vn̄ lauterſtē goldes vn̄ ſilbers. jr frücht iſt koſperer allē reÿchtumen. vn̄ alle ding die begert werdē mu/gen ir nit geleichen. langwürikeit d̓ tag in irer gerechten.vn̄ in irer gelincken reichtumb vnd ere jre weg ſein ſchoͤnweg vn̄ all ir ſteÿg fridſam. Das holcz des lebens iſt dendÿe ſÿ begreiffent. vn̄ wer ſÿ behelt d̓ iſt ſelig Des herr hatbeſtaͤtiget die himel mit d̓ fürſichtikeit Durch ſein weÿßheit ſein außquellē die tieff. die wolckē wachſen mit tau.¶ An ſant Martha tag dÿe epiſtel.¶ Gratia mulieris ſedule delectabit vir ſuū. et oſſa illiusinpingnabit diſciplina illius ⁊cͣ. eccleſiaſtici. xxvj. ca.¶ Die genad der emſſigen frauen macht luſtig iren manvnd ſein pein wirt ſÿ feÿßt machen. jr czucht iſt dÿe gabegotes ein beſÿmte fraue die verſchwigen iſt kein verwādung der vnderweÿßten ſele Ein heylige frawe vnd verſchwigen vnd geſchemig iſt iſt ein genad über genad. Aber ein ÿegkliche ſcham iſt nit wirdig der enthalteten ſeleAls die auffgeende ſunn d̓ welt in d̓ hoͤhe gotes Alſo diegeſtalt einer guͦten frauen zuͦ einer zierd ires hauß Sie iſtein ſcheinende lucern leüchtende auff dē heÿligen leüchterVnd die geſtalt ires antlücz auff einem beſtendigen alterEr ein ſaul auff ſilberin fuͤſſen. vnnd veſt fuͤß auff dē ſolender ſtaͤtten frauen die ewigen grundtfeſt auff einen ſtarcken velſen. vnd dÿe gepot gottes in dem herczen der heyli/gen frauen.¶ Ewangelium/¶ Vn̄ illo tempore. jntrauit iheſus in quoddam caſtellū.et mulier quedā martha nomine. Luce. x. cap.¶ Vn d̓ zeÿt. Gieng iheſus ein in ein caſtel. vn̄ ein frawemit name martha entpfieng in jn ir hauß. die het eī ſchweſter mit namen maria. ſuͦch das ewangeli am. ccliij. blat.
