Von der loblichen Stifftung des Hochwirdigen Gotzhuß Ainſideln unſer lieben frowen Cronick

Von der loblichen Stifftung des Hochwirdigen Gotzhuß Ainſideln unſer lieben frowen. Ls nun Otto der Goͤtliche/ vnnd der aller erſte teütſche Kayſer(ain geborner Hertzog von Sachſſen) die vorgeſchrbnen wū derzaichen von Sant Cuͦnraten Biſchofe zuͦ Coſt tentz(geborn Grauen von Alltorff) auch andern gloubhaftigē vernomen hat vnd gruntlich bericht was. Ward ſein Mayeſtat durch hailigkait diſer vber ſeligen hoff ſtat bewegt herzuͦ keren/ taͤd ſiner kayſerlichen Maieſtat Erſten gemahel frow Edgi den geborn küngin von Engellant Elichen bruder Sant Gregorium ainen münch Sant Benedictē ordens vngeuarlich alhye finden/ dann der ſelbig lanng dauor/ verloren geweſen. Vnnd als Er bey ſchlaffen ſolt in der Ee haymlich vmb gottes liebe willen in den gemellten orden/ vnd das ellende ge gangen was. Taͤd ouch vnb gottes vnd desſelben ſeinen lieben Swagers willen die Kayſerlich andechtigkait Riegal im Brißgoͤw/ mit etlichē Stet ten kentzingen Endingen ouch Rotwile/ vnd aber mit acht gerichten/ ſo Ich vmb kurtzwillen fallen laß/ an dits loblich Gotzhuß vnd Stiffte geben vn̄ alſo ain vil loblicher ſtiffter diß Gotzhuß mitſampt ſeinem andren gemahel Sant Adelhaitten der kay ſerin/ die küng Ruͦdolffs von Burgund Tochter was/ vnd vor kayſer Lotharii gemahel geweſen/ Ditz ſind die Stiffter vnd erſten begaber dyß Geſtifftes mitſampt Hertzog Burckharten von Swa ben/ der das Münſter vnd das gotzhuß am Erſten Sant Eberharten dem Thuͦmtechen von Straß

burg halff bawen. Der kayſer verordnet auch alſo das diß Geſtiffte ſol ſein in die ewigkait gefu̇rſt. vn̄ derſelben Abte/ ane mittel ain fu̇rſt des hailigē Roͤ miſchen Richs. Darnach habent die andern zwen Otten Roͤmische kayſer Ires vatters vnd anherrens Stifftung beſtaͤttiget/ zuͦ dem vil herſchafften vnnd gerichte/ an das gotzhuß gegeben/ nach laut der aller kayſerlichen bullen/ vnnd angeſehen das dis gotzhuß vnd geſtifft/ ain Spital vmb zuͦflucht der furſten Grauen Freyherren vn̄ herns genoſſen kinder ſein ſolt/ als man das in den geſchrifften fin det/ vnnd langzeit in dem bruch gehept hat/ Auch ſind ſollich freyhaitten von den hailigen vaͤttern/ den baͤbſten Confirmiert vnnd beſtaͤttiget worden Vnd das Gotzhuß Ainſideln für vnd für eximiert Auch alſo lange zeit loblich gehalten. Die namen aller Prelaten vnd aͤpten/ des loblichē Gotzhuß Ainſideln/ vnnd kurtz außiechung Ires lebens. Ant Eberhart d̓ Thuͦmtechan von Straß burg vorgenant/ iſt geweſen der Erſt Regent vnd vatter dis Gotzhuß vor allen aͤpt ten vnd prelaten/ ſo da ye geweſen nach abgange Sannt Meinratz hie des Erſten heremiten/ Diſer hailiger vatter Sant Eberhart ſtarb zuͦ zeiten des erſten kayſers Otten ſeines kayſerthuͦms im. xxiii. Nach Criſti geburt Neunhundert fünfftzig vnnd acht Iaren. Diſer hat auch mit Sannt Gregorien dem Apte durch ſonder ſtür vnd hilff gemeltz hertz zogs Burckhartz von Swaben/ nach der Cappell vnſer frawē/ dits münſter vn̄ gotzhaus angefengt

zebawen/ zuͦ denen kam offt herein in diß gotzhaus Sant Vlrich vnd gab Im Sant Mauritzen arm̄ vnd vil ſeiner geſellſchaft hailtuͦm. Auch von ſant Affren vnd Ir geſelſchaft/ vnder dem ſant dignen arm. diſer Sant Vlrich was auch auß diſem land bürttig Graf hugwalds ſun von kyburg herren zuͦ Burgdorfs. Sant Diettland apte/ der erſt als vil vermainent hertzog Burckhartz von Swaben Sun oder bruͦder ſun/ Doch vindt man das nit gruntlich in den geſchrifften anders denn das Er auß durchleuchti gem ſtamen geborn geweſen ſey/ Der regiert. xvi. iar. da gab Er die abtey willigklich auf. hat gloſirt epiſtolas pauli ain hailiger prelat vnd groſſer theo logus. Sant Gregorius apt der ander/ aynes küngs ſun auß Engelland/ als vorgeſchriben des kayſers ſwa ger/ iſt geweſen der erſte gefürſt apt ditz gotzhaus/ Starb nach Criſti geburt Neünhundert vnd. vi. iarn. Zuͦ den zeitten des dritten kayſer Otten/ ſeins reichs im̄ xiii iar. Starb auf quatuor Coronatorū. Hat auch nach ſeinem tode groſſe zaichen gethan/ Des Techan was ſant Wolffgang dar nach iſt er Biſchoff zuͦ Regenſpurg worden. Wyrannd apt der drytt/ ain Graf von Wandelburg des ſtamens von Raperſwil/ ain groſſer Po et vnd vil gelerter prelat Starb nach Criſti geburt Tauſent ſechs vnd zwaintzig iarn. Embrich apt der vierde/ her gefloſſen ain Thuͦmherr von Freiſingen/ geborn frey von Abemſperg

Starb als man zalt Tauſent fünfftzig vnd zway iarn. Herman apte der fünffte/ ain Graf von Winterthur/ der iſt geweſen der erſt mit der Infelen bega bet worden von Babſt leone dem Neunden/ Nun als die geſchrift ſagt/ des aptes vetter ayn Hertzog von Braunſchweig. Herman ſtarb Tauſent fünff vnd ſechtzig iarn. Hainrich apt der ſechſt/ zuͦ der aptey bezwungen/ des geſchlechtz findt man nit anders dann das Er auch ayn geborner herr geweſen ſey Starb Anno domini Tauſent vier vnd sibentzig iar. Seligerus appt der ſibende/ Was vor Ritter ayn Freyherr von Wolhauſen/ vmb das Im ettliche kind ertruncken/ ward Er bewegt gaiſtlich zeweren/ vn̄ gieng mit drey oder vier ſünen in dis gotz haus/ vn̄ ſein gemahel fraw Hedwig taͤd des glich en/ ward auch ain gefu̇rste aͤpptiſſin/ zuͦm frawen Münster Zürich. Diſer apt hat auch dem geſtiffte vil guͤtz zuͦ bracht. Starb anno ⁊cͣ Tauſent Neun vnd neuntzig/ vnd gab die aptey willigklich appt Rͦdolffen auf. Rüdolff apt der achtend/ was vor kamerer/ des ge ſchlecht findt man auch nit grundtlich anders dan̄ das Er ain geborner herr geweſen ſei. Starb anno domini Tauſent hundert vnd ain iar. Gero apt d̓ neündt/ von dem(ſeiner geburt halb) liſt man auch wie von dem naͤchſten/ hat zum erſtē

angefanngen die Sillbrugk/ die der gemain man des deüffels brugk haiſſet/ mit groſſem koſten zebu wen. Starb anno domini Tauſent hundert vnnd zway vnd zwaintzig iarn. Wernher apt d̓ zehend/ ain freyherr von altburen Starb anno Tauſent hundert zway vnd viertzig iar. Bey ditz apt wernhers zeitten(als ich glaub) iſt ſant Adelrichlain geborner Hertzog von Swa ben/ mitſampt ſeyner muͦter ain ſtiffter in der vffnowe Cuſtor vn̄ Conuenter ditz gotzhaus geweſen vil aines hailigen lebens/ ligt in der vffnow begra ben. Ruͦdolff appt der ainlefft/ des namens der ander/ von geburt auch ain herr/ vnd doch vnwiſſent des geſchlechts namen/ iſt mit gewalt wider ſeine neyder durch küng Conraden bey der aptey behallten Starb anno dn̄i Tauſent hundert ain vnd ſibentzigiſten iar. Warinus apt der zwoͤlfft/ ain Graf von Rappers wil/ ward mit gewallt von ſeinen freunden eingeſetzt/ Iſt von kayſer Friderichen von Swaben/ widerumb auſgetriben/ durch anruͦffung des Capitels/ hat geregiert ain iar vier monat. Wernher apt der dreyzehend/ des namens der an der/ als ettlich ſchreibent ain Graf von Toggenburg/ ward von dem obgemelten kayſer vnd dem Capitel zuͦ abbte iung erkoren zuͦ Seckingen/ vnd Apt geweicht Zuͦrich zum frawen münſter/ Gab

die aptey auf wider mengklichs willen. Anno domini ⁊cͣ Tauſent hundert zway vnd neuntzigiſten iaren. Vlrich der vierzehend apte/ ain Graf von Rapers wil/ vaſt ſchedlich vnd vnnütz/ mit ſeiner vnzym lichen regierūg/ ward abgeſetzt Anno ⁊cͣ Tauſent zwayhundert vnd ſechs iarn. Berchtold der fünffzehend apte/ ain Freyher von Walſe/ des ſtamens der grafen vom hailigenberg gab auch die aptey auf/ ain widerbringer aller miſ würckūg ſeines vorfaren/ Was in den freyenkün ſten fu̇r ander hochgelert vnd groſſer philoſophus. Starb anno ⁊cͣ. Tauſend zwayhundert vierzehen den iaren. Cuͦnrad der ſechzehend apte. ain Graf von kyburg genant von thun/ ain groſſer poet vnd gelerter pre lat/ vnder dem verbran zum andern mal das gotz haus schaͤdlich/ das Er vor ſeinem tod widerumb bauwt in kurtzer zeit/ er hat drey bruͦder was ainer kriechiſcher kaiſer/ der ander Ertzbiſchof zuͦ Saltz burg/ Der dryt Biſchof zuͦ Baſel. Starb vol aller guͦtten würckung. Anno Tauſent zwayhundert/ vnd in den vier vnd dreyſigiſten iarn Stifft Sant katherinen altar dauor Er begraben ligt. Annßhelm apt der sibentzehend/ ain Freyher von Swāden Landtherr auß Glaris/ ain zemal loblicher apte/ bauwte das ſchloß pfeffikon/ vnnd des gotzhaus hofe zuͦ Zürich Starb anno ⁊cͣ. Tauſent zwayhundert ſiben vnd ſechtzigiſten iar. Vlrich apt der achtzehend/ des namens der ander

ain Freyher von Winiden/ was vor Cuſtor gewe ſen. Starb zuͦ Chum in lamparten alda begraben Anno domini Tauſent zwayhundert ſiben vnnd ſibentzigiſten iarn. Petrus apt der neüntzehend/ auch ain Freyher vō Schwanden/ lyeß ſich in dem Regiment wol an/ den erſchluͦg der blitzg mit vil andern erbern leüten in vnſer frawen Capell zuͦ Zuge/ Anno dn̄i. Tau ſent zwayhundert achtzig iar/ ward hoch geklagt. Hainrich apt der zwaintzig/ des namens der ander/ ain Freiher von Güttingen. Starb im̄ Sloß pfeffikon Anno dn̄i Tauſent zwayhūdert acht vn̄ neüntzigiſten iarn. des muͦter was ain Graͤfin von Nellenburg. Iohannes apt/ der ain vnd zwaintzigſt/ ain Frei her von Swanden/ auch fürmünder der aptey des gotzhaus zuͦ Engelberg das da zemal vaſt mechtig was ain prelat hoches lobes wirdig/ außbündiger vnd ſeliger regierung/ hat inn vnd vor dem Gotz haus vil gebawen/ vnd gab zeletſt die aptey willig klich auff wider menngklichs willen/ Diſer beredt Hertzog hannſen von Oſterreich/ von des wegen küng Albrecht von Oſterreich Roͤmiſcher künig er mordt ward/ das Er ward ain gaiſtlicher bruͦder/ legt Im an das bruͦder klaid/ vnd den orden darin̄ hertzog hans in buͦßfertigem leben ſtarb im ellend. Iohannes apt/ der zwen vnd zwaintzigſt/ des namens der ander/ ain Freyherr von Haſſenburg/

was vor großkeller/ ward erwelt zuͦ pfeffikon. Cuͦnrad apt/ der drey vnd zwaintzigiſt/ ain Frey herr von Goͤßkon/ des namens der ander. Hainrich apt/ der vier vnd zwaintzigiſt an der zal des namens der dryt/ ain Freyherr von Brandis ward Biſchof zuͦ Coſtentz. vnd vidimiert dem gotz haus/ die bull pabſt leonis des achten/ die da lawt fu̇r pein vnd schulde/ des ſchweſter was aͤptiſſin zuͦ Seckingen gefürſt. Marquart apt/ der fünff vnd zwaintzigſt/ ain frei herr vō Grünenberg/ Er kaufft die herſchaft Rich enburg an das geſtiffte. Nicolaus apt/ der ſechs vnd zwaintzigiſt/ ain frei herr von Guͦttenburg. Petrus apt/ der ſiben vnd zwaintzigiſt an der zal/ des namens der ander/ ain Freyherr vō Wolhau ſen/ erwarb von dem gemellten biſchoff hainrichē die bull gevidimiert werden/ des schweſter was aͤp tiſſin zum frawenmünſter zuͦ Zürich gefürst. was vor probſt zuͦ ſant Gerolt geweſen. Ludwig ain Graf von Tyerſtain/ iſt ain ſchedlicher apt geweſen/ an der zal der acht vnd zwainzigiſt/ verordnet mit groſſem ſchaden des geſtifftes Das Er zuͦ biſchoff zuͦ Straſpurg poſtuliert ward vnd da d̓ von dem gotzhaus abschaiden gen Straß burg wolt. Starb Er geschwind in dem Schloſs

Pfeffikon hie zuͦ Ainſideln begraben Starb anno domini. Tauſent vierhundert vnd zway iarn. des muͦter was ain marggraͤfin von Hochberg. Hugo apt/ der neün vnd zwaintzigiſt/ ain Freyherr von Roſſennegk bracht alles/ ſo apt Ludwig vbels gethan hat mit groſſer fu̇rſichtigkait her wi der/ vnnd verließ dar zuͦ an barſchaft zway vnnd dreiſſig tauſent gulden/ regiert ſechzehen iar/ ſtarb auch zuͦ pfeffikon Im ſchlos/ was in dem Concily zuͦ Coſtentz/ was vor pfleger geweſen/ des muͦtter was von Tengen. Burckhart appt der dreyſſigiſt/ ain Freyherr von Wiſſenburg von krengklingen/ taͤt auch vaſt wol vnd verbawt was Im ſein vorfaren verlieſſen in vnd vor dem gotzhaus/ regiert bey vier vn̄ zwain zig iaren. was probſt zuͦ ſant Gerolt. Starb anno dn̄i ⁊cͣ. hat ſein botſchafft im Concily zuͦ Baſel. Ruͦdolff apt der ain vnd dreyſſigſt/ des namens d̓ drytte/ ain Freyherr von der hochen Sagx. Was vor Cuſtor/ Regiert bey neün iaren/ hat zuͦ ſeinen zeitten groß kriege/ half auch vil fride zwiſchent d̓ herſchafft Oſterreich vnd der aidgenoſſchaft mach en/ des muͦter was ain Graͤuin von Werdenberg. Franciſcus appt der zwen vnd dreiſſigiſt/ Geborn von Hochennrechberg/ was mit ſeinem vorfaren nach gefreündt zwaien ſchweſter kind/ regiert bey ſechs iaren. Wo Er lang gelept het Er vil guͦtz gethan. Starb anno dn̄i Tauſent vierhundert zwai vnd viertzig iar.

Gerolt appt der drey vnd dreiſſigiſt/ ain Freyherr von der Hochen Sagx/ apt Ruͦdolfs bruͦder/ was vor probſt zuͦ ſant Gerolt/ hat pabſt leonis bullen. vnd den ablas/ der da lawt für pein vnnd ſchuld. mit andren hochen freyhaitten/ von pabſt Pio dē anndren zuͦ ewigen zeitten Confirmiert wordenn/ mit groſſem koſten erworben/ vnd ſelbſt perſonlich zuͦ dem pabſt geritten. Vnder diſem aptte verbran auch das munſter/ vnd Er laid dar nach vil wider wertigkait/ Starb zuͦ ſant Gerolt vnnd begraben Anno domini Tauſent vierhundert ains vn̄ acht zig iar. auf Sonntag vor Galli. Cuͦnrat apt der vier vnd dreiſſigiſt an der zal/ des namens der dritte/ auch von Rechberg geborn apt Frantzen bruͦder Sun/ iſt Erwelt in groſſer peſtilentz im ſchloſs zuͦ pfeffikon auf ſant Wolffgangs tag Anno domini Tauſent vierhundert ains vnd achtzig/ vnd vmb das Er ſich der aptey lang widerte Iſt Er dar nach durch apt Vlrichen vō ſant Gallen vnd ander prelaten/ auch die von Sweytz vnd vil Erberlewt beredt/ das Er die aptey angenomen hat/ iſt auf Sant Martins abent nach der wal auf den altar geſetzt vor vil iaren pfleger gewe ſen/ vnd dem gotzhaus groß ſchulden abgethan. Nach außlegung der aptey gefürſt etcetera. Vnnd wie vil der geweſen ſind/ Nun die gaiſtlichen hoch en aͤmpter des Gotzhaus/ auß anſehung Baͤbſten. Kayſern vnd der Erſten Prelaten des Gotzhaus Ainſideln zemelden vnd welche die geweſen vnnd noch ettliche vorhanden ſind.

Des gotzhaus vier Probſteien Die erſt im Gotzhaus ſol ain brobſt ſein d̓ die welt lichkait aines aptes regieret. Die ander probſtey. iſt zuͦ Sannt Gerolt zu fryſen hat ſant Gerolt ain Hertzog von Saxen mit zway en ſeinen hailigen Sünen geſtifftet Hainrichen vn̄ Como vnd an ditz gotzhaus vor vil hundert iaren gegeben/ die ſüne ſind worden Sant Benedictz or den Im gotzhaus Ainſidlen Sant Como was etwan techan/ ſind auch bey dem vatter zuͦ ſant Ge rolden begraben. Die dryt Probſtey/ iſt das gotzhaus Vare an der lindtmagt dem fluſſe gelegen. Die vierd probſtey iſt zerſtoͤret/ vnd yetz ayn dorff vnd gericht mit klainer anzaigung ainer probſtey genant Erlibach am Zürich See gelegen. Dar nach ſollent im gotzhaus ſein vier hoche aͤmpter Ain Techan ſol des aptes gaiſtlichkait regieren Item ayn ſenger ſol zuͦ hochen tagen andern Im Chor vor ſingen. Item ain Cuſtor zuͦ dem hailtum vn̄ den gotzhaus zierden. Item ain kamerer ſol ſein ayn pfleger vū fu̇rmün der den iungen herren. Itē aber ſollend ſein drey Empter vnder den naͤch

ſten vieren. Item zum erſten ain groß keller. Item ain portner Item vnd ain Spitelherr Item diſe vorgeſchriben aͤmpter ſind lange zeit nit alle in brauch geweſen. Zewiſſent iſt das auß dem Capittel vnd Conuente auch den obgemelten aͤpten vnnd amptherren des Gotzhaus Ainnſideln/ diß hernach geſchriben zuͦ Biſchoffen/ aͤpten vnd prelaten auf ander geſtifftē vnd Gotzheuſern für vnd für poſtuliert ſind vnnd erbüret. Sannt Wolfganng Biſchoffe zuͦ Regenſpurg iſt Techant hie zuͦ Ainſideln vor geweſen/ ayn Graf von Veringen. Warmannus biſchof zuͦ Coſtentz. Rumaldus biſchof zuͦ Coſtentz. Hainrich Biſchof zuͦ Coſtentz. Ain Freyherr von Brandis was vor apte. Hartman biſchof zuͦ Chur/ der gab her Sant iuſti vnd ſant Sigmunds des küngs der hayligen mar terer heupter. Vlrich biſchof zuͦ Chur/ ain Graf von Ryburg/ ſtyfft den hailigen berg ob Winterthur. Herman biſchof zuͦ Chur/ ain Frey von eſchibach was vor apt zuͦ pfeffers. Eberhart biſchof zuͦ Chum in Camparten.

Benedictus biſchof zuͦ Metz/ was vor Thumherr zuͦ Straſpurg ee Er her kam/ aines hailigen lebēs ward blind. gab das biſtumb auf/ kam wider hain alhie vor vnſer frawen Capell begraben. Ludwig poſtulierter biſchof zuͦ Straſpurg/ was vor apt/ ain Graf von Tierſtain. Herman apt zuͦ ſant Gallen/ ain Frey von Bonſtetten/ des muͦter was ain Graͤfin von Habſpurg landtgraͤfin auß Elſaß. Eberhart apt zuͦ kempten. Sant Adelgoͤtz apt zuͦ Tiſentib. Okerus apt zu Tiſentib in Churwallen. Thüring apt zu Tiſentib/ ain Frey von Sweyß berg/ apt zuͦ pfeffers. Gebene apt zu pfeffers Eberhart apt zu pfeffers Herman apt zuͦ pfeffers. ain Freyherr von Arbon ward biſchof dar nach zuͦ Chur. Diettrich apt zuͦ Augſpurg zuͦ Sant Vlrich. Ethick apt zuͦ Eberſperg zuͦ payern. Walther apt zuͦ petershauſen bey Coſtentz. Syfridus apt zuͦ petershauſen bey Coſtentz. Albrecht apt zuͦ petershauſen bey Coſtentz. Florat apt zuͦ Swyel/ iſt yetz des Gotzhaus ſtain am Rein. Reinbil apt zu Mure in Ergoͤw. Bernhart Probſt zuͦ Sannt Blaſy im Schwartz wald. Aber hat das Gotzhaus Ainſidlen auß pabſtlicher Conmiſſion vnd beuelch drey Conſeruatores vnd gaiſtlich beſchirmer ſeiner gnaden vnd freyhaitten

Item der Erſt der Thuͦmbprobſt von Baſel. Item der ander iſt der Thuͦmprobſt von Chur Item der drytte iſt der probſt von Zuͦrich Von der Caſt vogtey des Gotzhaus ainſideln Item weyter iſt von kayſer Otten dem Erſten vn̄ fu̇r vnnd fu̇r von andren Roͤmiſchen kaiſern vnd küngen des Gotzhaus Ainſideln halb verordnet/ Das ain yegklicher Roͤmiſcher kayſer oder künig Oberaſter Caſtuogt ſol ſein/ habent dem nach vor zeitten als vnd̓ Caſtuogten den Fürſten von Oſter reich do zemal alda lantzherren Die vnnder Caſtvogtey vnd des gotzhaus ſchirm befolchen/ vnnd zuͦ ſchirm herren gemacht vn̄ geben. Solliche Caſt vogtey iſt durch kaiſer Sigmunden in ander weg verſorget vnd angeſehen So ich durch kurtzwillen fallen laß ⁊cͣ. Von den Hochen aͤmptern/ d̓ Weltlichkait. Aber weyter ſind ſolliche weltliche aͤmpter/ von kayſern vn̄ küngen dem apte geordnet zun Ainſidlen Naͤm lich hernach geſchriben. Item ain Graf von Habſpurg landtgraf in Elſaß ſol ſein des aptes Hofmaiſter. Darumb Er zuͦ lechē hat das Schloſs vn̄ die Herſchafft kyenberg. Des Grafen vnder Hoffmaiſter ſol ſein der Ritter oder Edelknecht von Wolraw/ dem nach der von ſchel lenberg.

Des abtes Marſchalck ſol ſein der Graf von Rap perswil/ vnd vber das bluͦt zerichten. Vogt vnnd ſtatthalter/ hat darumb zelehen Schlos vnd Stat Rapperſwil/ Sonnder was von der purg obaͤſten gratte vnd schne schmeltze ſich gen Ainſideln richte oder herfluſſet/ Des vnder marſchalck ſol ſein der Ritter oder Edelknecht von vrikon. Des aptes Truchſes ſol ſein der Freyher von We diſwil/ des hat Er auch zelehen die herſchaft Wediſwil/ vnder truchſeſs ſol ſein der ritter oder Edel knecht von hum̄brechtykon. Des apts Schencke ſol ſein der Freyher von vſter des lehen iſt auß elte verblichen/ des vnder ſchenck iſt der ritter oder Edelknecht von liebenberg. Des apttes Saͤſſeltrager/ ſo der vnder der Infeln gat/ ſol ſein der Frey von Regenſperg. Vnd vogt der probſtey zuͦ Vare/ hat darumb zelehen dieſelbē vogtey/ Des vnder amptman ſol ſein der von Cro naw ritter oder Edel knecht. Des aptes kuchenmaiſter. ſol ſein der Freyher von kempten/ hat darumb zelehen die/ vogtey zuͦ kempt ten aller gotzhauß guͦtter/ des vnder kuchenmaiſter iſt am letſten geweſen der Meyſſe von Zuͦrich wap pentrager. Der Probſtey vogt zuͦ Sant Gerolt ſol ſein d̓ graf vom weyſſen fan/ Iſt yetz der Freyher von Bran dis/ hat dieſelben vogtey mit andren mer darumb zuͦ lehen. Der probſtey zuͦ Erlibach vogte/ ſol ſein der Frey her von Tengen/ iſt yetz Graf zuͦ Nellenburg. hat darumb zuͦ kußnaͤg am Zuͦricher See vil guͦtter le hen gehept.

Der kamerey Vogt ſol ſein der Freyher von hoch en klingen/ hat darūb zuͦ lehē die vogty zuͦ eſchentz des vnder amptman iſt der ritter oder Edelknecht von Eſchentz. Der Graf von Toggenburg ſol ſein aller gotzhuß leüten ſchirm herr vnd vogt in der ober vnd nyder margk/ vnnd im̄ Gaſtel/ darumb hat Er zuͦ lehen von dem apte das geſchlos willdenhauß. Der Freyher von Bottenſtain/ ſol ſein aller Gotz haußleüten im Brewſgoͤw vnnd in der Ortnawe/ ober vogte vnd ſchirmherr ⁊cͣ/ hat darumb gehept vil guͦter lehen. Andrer aͤmpter vnd des Gotzhauß lehen/ wirt wei ter vmb kurtzwillen nit gedacht/ Des ſey genuͦng von dem loblichen herkomen vnnd der Stifftung des vil gemellten Gotzhaus Stiffte Aynſideln. Gedruckt von Hanßen Reger zuͦ Vlme. Nach vn ſers lieben herrē Gepurt Tauſent Vierhundert vn̄ in den Viervndneüntzigiſten iaren. Auf den.xxix. tag des Monats Iulii.