col. 2.
Es geschach im sunder sinen dank. Vnd was im harte swaere. Er hat dem tot ergeben sich. Won in der rise kuene. Fruog harte crefteglich. VI. Do sprach der herre dietherich. Von bern an fuͥrste lobelich. Muos ich nu hie uerderben. Do sprach der rise sigenot. Du kaem nie ze also grosser not. Du muost von mir ersterben. Das du mir ie lait hast getan. Das mag dich vil wol ruͥwen. Die bestast nih mer dekainen man. Das hab vf mine truͥwen. Sit du mir grinen hast erslagen. Der was min rehter oehan. Auch mocht ich dirs uertragen. VII. Do sprach der herre dietherich. Vil vrumer helt nu ruͥwet mich. Das ich dir tet ze laide. Es ist aen mine schuld ergan. Den lip waend ich uerlorn han. Als ich dich beschaide. Sin wip hart vngefuege was. Das was ain michel wunder. Das ich vor der ie genas. Si lag ob vnd ich vnder. Und druhte mich vf einen bank. "Das mir das rote wallebluot.