"Es nam den alten bi der hant. Vnd fuort in gar gerihte. Da er die laiter vant. XXXVIII. Als er die laiter ane sach. Lieber im do nie geschach. Er hub si vf allaine. Er moht niht me geruhen han. .................... Er gie hin zuo dem staine. Da her dietherich inne lak. Mit sorgen gar gewangen. Sus hulfenz im vs an den tak. Vnd lien die laiter hangen. Ze hilt dem herren al hin in. Er sprach vil lieber herre min. Nim hin die laiter min. XXXIX. Her dietherich wart ir schier gewar. Vil balde huob er sich do dar. Sus trat er an die stige. Als er zem turn her us do gie. Also kuͥndet man vns hie. Das ich ir niht enliege. Er was ain naht dar inne gelegen. Es duht in drisig iare. Als er do kam vs an die stegen. Des vrowt er sich ze ware. Do sprach der herzog eggerich. Sint willekomen us sorgen. Von bern her dietherich.
col. 2.