I. 165 b
Her Walther von Metze. Ich hâbe ein herze daz mir sol Ehrlich und treu. Noch grôzen schaden oder crumen machen Ein varnden lôn erwurbe ich wol Davon ich einen sumer möhte lachen Als ich denne den erwurbe Der wer unstaete sam der klê Mit den bluomen er verdurbe Sô muest ich werben aber als ê Nâch heile mueze es mir ergân In ger eins varnden lônes niht Mich vroit noch baz ein lieber wân. – 2 – Sol mir leit von ir geschehen Der ich wol gunde daz ir liep geschehe Sô hab ich mîn leit gesehen Noch besser waere mir daz ich ir nicht sehe Wirt mir immer wê von minnen Sô weiz ich wol daz sî daz tuot Schoene wîp mit reinen sinnen Vor allem valsche wol behuot –

Owê jâ lob ich sî ze vil Sî minnet lîht ein saelic man Der waere ich gerne sine wil. – 3 – Der ungezogen ist sô vil Die wol gezogen werdent schiere unmaere Ich waene ich über kêren wil Sît daz sô saelic sint die lügenaere. Sol man wîbes minne erlügen Warumbe seit ich danne wâr Ich kan alsô schône trügen Sam die dâ tragent gevarbet hâr Die wîp verkêrent uns die site Unt hoerent gerne lôse rede Nû haben daz sî erwerben mite.

Her Rubin Tageliet Wie kunde leider mir geschehen Wonde ich den wahter hoere jehen daz ez sî tac Sô redet ein schône vrouwe guot Wider einen ritter hochgemuot der bî ir lac Sî sprach me du tuo mir vriundes truiwe schîn Unt gip mir stat in mitten in dem herzen dîn Daz ich dâ gewaltic vrouwe muoze sîn. – 2 – Dô sprach der riter ellenthaft Die liebe hât so grôze kraft Wider minen lîp Daz si niht groezer möhte sîn Dû wonest mir in dem herzen mîn Vil reine wîp Sô daz mir niemer lieber kan geschehen Danne ob ich dich tougen mueste sehen Mînes herzen wil ich dir vür eigen jehen. – 3 – Die vrouwe ir liep zuo ir gevie Sî sprach sît mir beliebet hie Daz herze dîn
I. 171 a

Unde ich des sô gewaltic bin Sô vuere ouch dû daz mîne hin Geselle mîn Sô daz sî steter liebe an ander streben Ach herre vriunt geselle mîner freuden leben Gedenke waz wir beide hân gegeben. – 4 – Dô kust er dô wol tûsent stunt Ir minneklîchen rôten munt tet Sam sî in. Sich huop grôz weinen von ir hie Daz si niht mohte wizzen wie Er kaeme hin Sî sprach wê mir alse dîner balden jage Nû wilt dû von mir daz mînes herzen klage Lige noch eine wîle ez ist noch niender gein dem tage. – 5 – Doch muosten sî sich scheiden dô Des scheidens wâren sî unvrô Doch muost ez sîn Der tac der sleich in balde zuo Nu enweiz ich leider waz ich tuo Wan, vrouwe mîn Dîner tugent unt dîner hôhen werdekeit Der sol nû mîn steter dienst sîn bereit Daz sî bî dem hôhesten eide dir geseit.