Ie ſahet an ein hübſch leſen von dē lieben heiligen herrē ſant Meynrat/ der eins edlen grauen ſon was/ mit namen Graff Berchtold vōSulgow/ vn̄ wie der iung graff ſant Meyntat geborē vnd bis in das fuͤnffte iar vō ſynē vatter erzogen ward. Dornach wie er ein geiſtlich̓s lebē ſich verwilliget/ vnd wie im ſyn vatter dar zuͦ hilffig was/ vn̄fuͦrt in jn die Richnaw/ do ſelbs was der abt des egenāten graff Berchtols oͤhem/ dem befalch er ſynē ſun ſantMeynrat/ das er in ſolte lernē geiſtlich zucht vn̄ tugēt/als auch geſchach/ wan̄ der iūg herre wuͦchs vff. vn̄ legtwol zuͦ/ an libe/ an kunſten/ vnd an tugendē/ vntz daser prieſter ward. Darnach wie er ſich hielt in prieſterlichem ſtat vntz an ſyn ende as würſtu her nach hoͤrē inſyner legend. vn̄ iſt das der anefang wie vnſer liebenfrowen cappel zuͦ den einſidlen vō ſant Meynrat felbsgebuwen wart/ mit ſynen heiligē hendē/ vnd hieß zuͦ denen ziten in dem vinſtern wald/ wan̄ niemā da geſeſſēnoch wonend was. Vnd ouch hernach ſo vint man̄ vōſtuck zuͦ ſtuck gemalt des liebe herren ſant Meynratz leben/ vnd wie er ermoͤrdet ward vō den zwein morderngeboren vß einer ſtat geheiſſen Noͤrlingen/ der ein hiesPeter/ vnd der ander Richart/ vn̄ ouch wie die morderzuͦ zürch geuangen worden/ vnd vff reder geſetzt/ vnndwie die rappē ſant Meynratz alzyt vff die moͣrder ſtachent/ vnd nye von ynen kamen biß das ſye vff den redern todt waren/ do flugent ſy wider in den vinſterenwüſt wald/ Vnd ouch wie die ſelbe cappell lſechzig iorlag nach ſāt Meynratz todt/ vn̄ wie ſy da wider gebuwēward/ Vn̄ darnach wie ſy got ſelbs wyhet mit ſynē heiligen hendē/ vnd mit ſynen lieben engeln in der erener liebēmuͦter marien. Vnd wie Leo der bapſt vn̄ darnach Pius der ander die wyhe beſtatigt hat/ als es her
