Seite
Noch dem aber dis kint ergreiff das.xxv. ior ſyns al ters/ wart es zuͦ diackē vn̄ nit lang dar nach zuͦ prieſter gewihet durch zuͦ thuͦn ſyns meyſters Erlebaldi. Nuͦn was zuͦ den ziten vnder keiſſer Ludwig des genantē kei­ſer karles ſuͦn in der gemelten inſeln/ ein abt genāt hat to/ in lere vn̄ guͦten wercken/ ouch adel ſyner tugēt hoch­beriembt/ der ouch zuͦ Baſel biſchof geſyn was/ Als der ſelb die geſcheffte des wurcklichen lebens verachtende/ vnd zuͦ der ſchonheit des beſchowlichēs lebēs ſich begab/ wart der gemelt Erlebaldus mit verwilligung keyſer Ludwigs/ von allen bruͦdern gemeyncklich zuͦ abt der genanten inſeln vnd bruͦdern erwelt/ der ouch ſo bald er ſolchen gewalt entpfing den obgenanten erſamē mā Meynradū beredt geiſtlich zucht vnd orden an ſich zuͦ nemen vn̄ vnder d̓ regel vnd myncheſchem weſen zuͦ le­ben Solchem heylſamen rat volgt ſant Meynrad wil licklich vnd gern/ vn̄ thet gehorſame/ vnd mit aller ney gung fleiß er ſich zuͦ haltend ſyn verheyſſung zuͦ gehor­ſamkeit allzit willig in vaſten ſtreng/ in beten empſig/ in wercken der barmhertzikeit gydig/ vnd vor vß in de­muͦt yederman vndertenig. Vnnd het er vormols wol gethon in ſchuͦlerſwile vnd prieſterlichē ſtadt ſo thet er vil me guͦtheit in kloſterlichem weſen/ Alſo das er lüch­tet für alle ander mynch recht als der morgen ſteren thuͦt für die andern ſternē. Nun was do zemol an dem zurrich See janen ob rapperſwile ein Cloſter gelegen/ dar in warēt zwoͤlff münch/ dz gehort gen richnaw/ die ſelbē münch batēt dē vorgemeltē irē abt in der richnaw/ das er inen ein münch ſante/ der ire iungē ſchuͦler lerte.