Seite
als man ſeit von Noͤrlingen vß dem rieſſe/ der einer hieß Peter/ der ander Richart als die vermanent das ein guͦtter mēſch in dem finſtren wald geſeſſen wer/ Als wurden ſie zuͦ rat vnd fragten im nach/ do ward er inē gewyſet in dem finſtren wald/ Vnd als ſy erſt kamēt in den wald/ kamen die rappen die ſant Meynrat hat er zogen/ vnd ſchuſſen zuͦ ynen/ vnd ſchruwent alſo vaſt/ das es durch den gantzen walt erſchal/ zuͦ der ſelbē ſtū­de do ſtuͦnd ſant Meynrat ob altar/ vn̄ laß das ampt der heiligen meſſe/ Vnd do er in der ſtilmeſſe was/ kā der heilig engel von himel/ vnd ſprach zuͦ yme/ Meyn­rat/ got hat mich zuͦ dir geſant/ das ich dir verkünden ſoll/ das er dir diner groſſen arbeit lonē will/ darumb bis keck vnd verzage nit/ vnd lide gedultiklich/ Got wil by dir ſyn in allen dinen noͤten/ Vnd als die meß vol­bracht wart/ do leit er ſich crütz wyß nider für den altar vnd bat got das er im ze hilff vnd zuͦ ſtatten kem. Vnd in dem kamēt die morder an die zelle ſant Meynrats vnd wie wol die rappen alſo vngeſtumlich en ſchruwē/ vnd die morder an die zelle ſchluͦgent vnd ruͦfften/ das man ſie in ließ wolt er ſie doch nü als bald in loſſen ſun­der verzoch es noch ein kleine zit do mit er lenger in ſy­nem gebet bliben moͤcht das er ouch ſtrenglich volbra­cht/ vnd kuſſend das heiltumb vn̄ heilige ſtet/ entpfalch er ſynē ſtrit got dē herrē vn̄ denē heiligē derē heiltum er beruͤrt/ dis ſahē die moͤrder vor d̓ zellē durch einē ſpalt Alſo tratt der ſtarck kempf vß byſtāt gottes für die zell vnd entpfing ſie mit ſenfften worten dar nach ſprach er lieben fründ wie komen ir ſo ſpat/ warūb ſint ir nit zitt­licher kūmen/ ſo hetten ir myn meſß gehoͤrt/ ſo hett ich fu̇r uch vnſern gemeynē herrē vn̄ got gebettē Aber gont noch inhar vnd betten gott vn̄ ſyn heiligen vns gnedig zuͦ ſyn/ vnd kumē dan̄ wider zuͦ mir das ich uch vß verly­