enbrant die kertz von den himeliſchen liecht/ vn̄ do dasder morder erſach dz die kertz on dz zittlich für was enbrūnen/ do ſchrey ſynē geſellē an/ vn̄ ſprach. O we geſelle/ ſichſtu nit dz groß wūder zeichen ſo hie geſchehē iſt/ diſe kertzen hat gott ſelber an gezündet/ wol an bald vndlaß vns fliehē/ wan̄ ich forcht dz diſes mort nymer vngerochē blib/ alſo fluhent ſie vß der zelle/ vn̄ ſo bald warētdie rappē ſant Meynrat da/ vn̄ ſtochēt zuͦ ynnen/ vndkratztent ſymit iren clawen vnder iren ougē/ vn̄ zartenynen da das hor vß/ vn̄ ſchruwen vff ſy das es allēthalben in dem wald er ſchal/ do mit lieffent die morder ſchnellichē an dē zürch ſee/ vn̄ flogēt innē die rappē allnach mit kratzē/ mit zerren/ vn̄ mit groſſen geſchrey/ vn̄ hetten gern iren herrē gerochē/ vn̄ da die mord̓ gen walrowkamēt/ do ſtond ſant Meynrats geuatter der zymmervor ſynē hüſe vn̄ zimbret/ vn̄ ſyn bruͦder by ime/ vnd dodie morder alſo mortlichē kamēt gelouffen/ vn̄ die rappen alſo vaſt vff ſy ſchruwent/ do ſprach d̓ zymermā/ lieber bruͦder ſint dz nit mines gefatterē rappē/ do ſpracher/ ja bruͦder ſicherlich/ diſe lüt hand im etwas geton/ dzrechent die rappē gern/ Do ſprach d̓ zymermā/ lieberbruͦder ſo ermanen ich dich bruͦderlicher truwē dz du innen nach gāgeſt vn̄ luͦgeſt war ſy woͤllent/ ſo will ich hinlouffen zuͦ minē geuatter/ vn̄ will do luͦgē was ime ſie/Vn̄ do er ī dē wald kam/ do begegnet ym ein ſo ſuͤſſergeſmack/ vn̄ wundret in wannen der vil ſuͤſſer geſmackkomen mochte/ vn̄ als er in wie zell kam ſach er wie ſyngefatter ermordet lag/ vn̄ wie die kertze zuͦ ſynē houpteſtünd vn̄ brant/ als bald er das erſach/ do kert er widervß dē finſtren wald/ vn̄ do er gen wolrow kā/ do ſchickter ſyn hußfrowen vn̄ ander erber lüt in dē wald das ſyda by ſeſſent vntz das man in mochte beſtatten/ hiemitlieff er ſynē bruͦder vn̄ den mordern ernſtlich nach vnd
