Transkription / 1 [22

Die vorred Der funff ¶ Eyn ende hat dye epiſtel Ihero nimi zum Paulinum dem prieſter. vnd vahet an die vorred in die funf bucher moyſi. ch hab em pfangen dye begirlichen ſendbrieff meines Deſide ri vnd frewnds der in etlicher weys der weiſſagung zukunfftiger dinng hat genumen oder gewunnen dē na men des vaßtbittiden. mit Daniele das ich ſolt geben ewrē oren dy funf bücher moyſi. dye ich gedulmetſchtz oder außgeleget hab. vō hebreyſcher in lateiniſche ſprach. Sicherleich diß offenbar werck meins gedichtes iſt ſchedlich vonn nachredens wegen meiner nachclaffer. dye do ſprechen ich dicht newe gedicht. mit den ich er ſteck das alt gedicht der.lxx. dulmetſchen oder außleger vnd alſo bewa ren ſy die vernufft oder den klugen ſynn. geleicherweiß als den wein. ſo ich doch garofft hab bezeuget. das ich mich in gottes zelt wil opfferen. vmb eyn geringe gab. was ich vermag vnd ich hab gegeben zeugknuß das es nit iſt notturft. das geunſew bert werden. die reichtum eynes andern mit fremder armuͦt. Aber das ich binn kün wordē. darzu hat mich gereitzet dy lere vnd der fleyß origenis. der in das alt gedicht hat vermiſcht die auſlegūg auſ einer ſprach in die andern. theodotionis mit den zweyen punckten. aſterico vnd obelo. das iſt. mit eynem ſteren vn̄ brat ſpiß. den zwayen zaichen. vnnd mit den punckten. hat er durchteylet all ſeyn geſchrifft. ſo hat er erleutert dye ding dye vor zegering waren vnnd der geſchrifft der vor zweyntzig was aber der do vor zeuil iſt geweſen. dye yegkliche hat erſtecket vnd durchloͤchert. allermeyſt der dy die meiſterchaffte der ewangeliſten vnnd der apoſteln hat geoffenbart In denn geſchrifften wir leſen. vil von der alten ee. die doch in vnſerenn buchern nicht werden gehabet. als das iſt. Iſt hab gerüffet meynem ſun auß egipten. vnd aber. Er wirt geheiſſen nazareus. Sy werden ſehen inn den ſy geſtochen haben. vnnd aber. Die flieſſenden waſſer fleiſſend auß ſeynem leib lebendig waſſer vnnd aber. Die ding die das aug nit hatt geſehen. vnnd das or nit hat gehoͤret. vnnd die ynn des menſchen hertzen nit ſeind auffgeſtigen. die gott bereyt hat den. die in lieb haben. vn̄ vil ander geſchrifft. die ſye begeren. vnd doch nit aigen außlegung haben. Nun frag wir ſy wa diſe ding geſchriben ſeyn. vnnd wenn ſy darzu nit mügen geantwurten. ſo ſprechen wir von den hebreyſchen buͤcherenn. Dye erſt gezeugknuß iſt in Oſee. dye ander in yſaia. die dritt in zacharia. dye vierd in dem buch der ſpruch. vnd die funfft desgleichen in yſaia. Nunn ſeyn vil die do vnwiſſendt nachuolgen der toͤrenten red. der vnbewerten buͤcher. vnnd die lu gmere hyſpanier ſetzen ſye fur dye be werten buͤcher. Mirr gehoͤrt nit zu. das ich ſoll außlegen dye ſach der irr ſale. Die iuden ſprechen. es ſey geſchehen mit fürſichtigē rat. dz ptholomeus eyn diener eyns gottes nit bey den hebreyſchen begriff zwifel