Seite
Buch Das det von der erden. das er ſehe wye er ſy hyeß. Wan̄ wz adā nennet eyner yegklichen lebendigen ſel. das iſt ir nam. vnd adam hieß ſy mit iren na men oder nennet ſye bey iren namē alle lebende creatur. vnd alle voͤgel des hymels vnnd alle tier der erden. Aber ade ward nit funden ſeyn ge­leych. Darumb der herr got ließ einē ſchlaff in adam. Vnd do er was ent ſchlaffen do nam er eyne von ſeynē rippen vnnd erfüllet fleyſch für ſye. Vnnd der herr got machet die ripp dye er het genommen von̄ adam in eyn weyb vnd fuͤrt ſy zu adam. vnd adam ſprach. Nun das beyn iſt von meynen beynen. vnd das fleyſch vō meynem fleyſch. Diſe wirt genennet eyn mennyn. wann ſy iſt genomen von dem mann. Vmb diß ding leßt der mann vatter vnd muͦtter vnnd wirt anhangen ſeynem weyb vnnd es werdet zwey in eim fleyſch. Aber yetweders was nackend adam vnnd ſeyn haußfraw vnnd ſye ſchamten ſich nit. pitel Wie dye ſchlang eua betroge. vnnd Eua den adam darumb ver­tribe ſye got auß dem paradiſe. vnd vermaledeyet dye erdenn durch ire werck. Ger die ſclang was liſtiger allen lebēde creaturē der erden dye der herr got hette gemachet. Dy ſprach zu dem weib. warumb hat euch get verbotten das ir nicht eſſennd von