Seite
Buch Las das lannd der chananeer vnnd libē­m biß zu dem groſſen fluß euffrata. Er ſprah. ſecht ich hab es euch geant wurt. Geet eyn vnd beſitz es von dē der herre ſchwur ewern vettern abra ham. yſaac. vnnd iacob das er es yn gebe vnd irem ſamen nach yn. Vnd ich ſprach zu denn ſelbenn zeytten zuͦ euch Ich mag euch nit alleyn ent haben. wann der herr ewer got hatt euch gemanigualtigt. vnnd ir ſeytt heut vil als die ſtern des hymels. d̓ herr got ewer vetter der zugebe vill tauſent zü der zal vnd geſegen euch als er geredt hat Ich mag nit allein auffenhalten ewer geſchefft vnnd die buͤrde vnnd die kriege. Gebent vonn euch weyße mann. vnd gelert vnd d̓ wandlung ſey bewert in ewernn ge ſchlechten vnlich ſetz ſy euch zu fuͤrſtē do antwurt ir mir. Es iſt eynn gutt ding. das du wilt thun. vn̄ ich nam von ewern geſchlechten weyße man vnd edel. vn̄ ſetzt ſy fuͤrſtē tauſenter vnd hunderter vnd fuͤnfftziger vnnd zehener. die euch lerten alle ding vnd gebott in. ſagend. Hoͤrt diſe vnd vr­teylt das do iſt recht Es ſey dz es ſey eyn burger od̓ ein fremder. keyn vn­derſcheydung der perſonē wirt. Hoͤrt alſo den klaynē als den groſſē. kayns perſonn nemend auß. wan̄ es iſt das vrteyl gotz. Vn̄ ob eüch etwas wirt geſehen hart das bringt zu mir. vn̄ ich hoͤr das Vnd ich gebott euch alle ding. die ir ſolt thun. wan̄ wir gin­gen auß von oreb. wir giengē durch die erſchroͤckenlichē wuͦſt vnd durch die groͤßten eynoͤde die ir ſacht dürch dē weg des berges amorrei. als vnß gebot der herr vnſer got vnd do wir warn komen in. cadeſ barne ich ſaget euch. Ir ſeyt komē zu dē berg amo rei den euch iſt geben d̓ herr ewer got ſich das land das dir deyn herr gott iſt geben. gee auff. vnd beſitz es. als d̓ herr got redet zu deynē vettern. nicht fürcht dir noch erſchrick. Vnnd ir ge­nachten euch all zu mir vnd ſpracht Wir ſenden mann die do erfaren dz lannd. vnnd erkünnden durch well­chen weg wir ſüllen aufgeen zu den ſtetten zu den wir ſuͤllen geen. Vnd do mir das wort geuiel. ich ſannd von euch. viſ. mann ſunderlich von irem geſchlecht do ſy waren hynge­gangen vnnd waren auffganngen an die betg ſye kamen vntz zu dem tall des traubens. ſy merckten dz lan de vnnd namen von ſeynen früch­ten das ſy zaygten die fruchberkeytt ſy brachten ſye zu euch vnnd ſprach en. Das lannd das vnß wirt geben der herr vnſer got das iſt gut Vnnd ir wolt nit auff geen. wann ir wardt vngelaubig zu demwort ewers gotz ir murmelten yn eweren tabernac­keln vnd ſpracht. Der herr haßt vnß vnnd darumb hat er vnß außgefürt von dem lannd egipt. das er vnnſ antwurte yn die hannd amorrei vn̄ vertylge vnnß ſo wir auffgiengen. dye botten die erſchreckten ewer hertz ſagennd. Die menig die iſt groß vn̄ lengers gewechs denn wir. dye ſtett ſeyn groß vnnd feſt vntz zu dem hi mel. Wir ſahen do dye ſün enach im Vnnd ich ſagt euch nit woͤlt erſchre­cken noch fürcht ſye. d̓ herr gott iſt ewer fürer. er ſelb ſtreyt für euch. als er tet yn egipt do ir alle ſacht das vn̄ ir ſelb ſatht es yn der eynoͤde. Deyn herr gott trug dich yn allem dē we­gee durch den du giengeſt vntz. das du kammeſt zu der ſtatt. als der mē­ſch hat gewoheit zutragē ſeinē klay­