buch Das erſt hoͤrten dz die ſün d̓ gefengknuß bau ten dē tempel dez herrē gotz iſrahel. ſye nahentē ſich zuͦ zorobabel vn̄ zuͦ den fürſten d̓ vetter. vn̄ ſprachē zuͦ in Wir woͤllen bawen mit euch. wan̄ wir ſuͦchen ewern got alſo. als auch ir. Seht wir habē geopfert dy opfer vō den tagen aſſoradda des künigs aſſur der vns hat gefürt daher. Vn̄ zorobabel ſprach zuͦ in. vn̄ ioſue. vn̄ die andern fürſten der vetter iſrahel Es iſt nit vns vn̄ euch dz wir bawē ein hauß vnſerē herrē got. Aber wir woͤllen allein bawen vnſerm herrē got. als vns hatt gebotte cyrus der künig perſarū. Darūb es geſchah dz dz volck des lands hindert dy hend des volcks iude. Vn̄ betrübt ſy in d̓ bawūg. Wan̄ ſie beſtelten ratgebē wider ſie. dz ſie verwuͤſtē irē rat alle tag cyri des künigs perſarū. vn̄ vntz zuͦ dē reich darii des künigs perſarū Aber in dē reich aſſueri d̓ do iſt artar verſes in dē anfang ſeins reichs ſchri ben ſie ein verſagūg wider die inwo ner iuda vn̄ iheruſaleꝫ. Vn̄ in dē ta gen artharperſis. ſchryb einen brief beſellam mitridattes. vn̄ thabeel. vn̄ die andern die do warn in irē rat zuͦ artharerſez dē künig perſarū. wan̄ der brieff der verſagūg was geſchribē ſiriſch. Vn̄ ward geleſen in ſyriſchē wortē. Reum beeltheeꝫ. vn̄ ſanſay d̓ ſchreyber ſchriben einen brieff vō ieruſalem artharxerſi dē künig in diſe weyß. Reum beeltheem. vnnd ſam ſay der ſchreiber. vn̄ die and̓n ir ratgebē. dynei. vn̄ arphaſathei. therpha ley arpheſei. herchuei. babilonij. ſub ſanachei. dyei. vn̄ elamite. vn̄ dy an dern vō den heydē aſſennaphar der groß vn̄ der hohwirdig. vn̄ hyeß ſy wonen im frid ienhalb des flußs in den̄ ſtetten ſamarie vn̄ in den and̓n gegenten Ditz iſt dz bild des brieffs den ſy ſandten zuͦ im Die man̄ dein knecht. die do ſeyn ienhalb des flußs ſagen den gruß artharxerſi dem kü nig. Dem künig ſey kunt das die iu den die do ſein auffgangen von dir zuͦ vns ſein kumen in die widerſpenigen vn̄ boͤſiſten ſtat iheruſaleꝫ dy bawen ſie. vn̄ widermachen ir mauren. vn̄ ſetzen zeſamē ire wende. Dar umb nu ſey kunt dem künig. wann ob die ſtat wirt gebawet. vn̄ ir mau ren auffgericht. ſy geben nit dē zynß vn̄ den zol. vn̄ die ierlichen rent. vn̄ ſchad kumpt vntz zuͦ dē künig. Darumb wir ſein ingedenck des ſaltzes. das wir aſſen in deinē palaſt. Dan̄ wir achten vnzymlich ſeyn zeſehen die verletzung des künigs Darumb haben wir geſandt vn̄ verkundt dē künig. das du merckeſt in dē büchern der geſchiht deiner veter. vn̄ du vindeſt geſchribē in gedenckungen vn̄ wiſſeſt das diſe ſtat was ein wid̓ſpe nige ſtat vn̄ ſchedlich den kuͤnigen. vnd den gegenten. vn̄ die krieg wur den beweget in ir vō den alten tagē vnd vmb ditz ding iſt zerſtoͤret diſe ſtat. Wir verkuͤnden dē künig. wan̄ ob diſe ſtatt wirdt gebawen. vnd ir mauren auffgericht. du wirſt keyn beſitzung haben ienhalb des flußs. der kuͤnig ſandte das wort zuͦ reum beeltheem. vnnd ſamſai den ſchreiber vn̄ zuͦ den andern inwonern ſamarie. dye do waren in irem rat. vnnd den andern ienhalb des flußs ſagēt den gruͦß vnd den frid. Die verklagung die ir habt geſandt zuͦ vns iſt oͤffenlichen geleſen vor mir. vnd iſt gebotten von mir. vnnd ſy ſuͦchten vnnd funden. das die ſtat von den al
zum Hauptmenü