Transkription / 1 [798

Buch In das bin. vnd dye nacht in der da geſprochen iſt. Es iſt empfangē eyn mēſch vntz an die ſtat der geſchrifft. do alſo geſchriben iſt von dez ender ditz buͦchs Darumb ſtraff ich mich ſelber vnd ich uͤbe dye buͦß in dem aſchen. vnd da ſein verß exametri. dye verß ſein beſchloſſen mit dactilo vn̄ mit ſpondeo. vn̄ darumb die ſelbē verß nemen offt die eigenſchafft d̓ ſprach vnd dar zuͦ lauffen mit ſillaben. die doch nit ſein der ſelben pedum. Vnderweylen wirt es auſgeſprochē ein ſuͦß reym guͦts gedoͤns. vnd d̓ reym iſt gefreyt von dem geſetz. vnd von der zal die da gehoͤren zuͦ den verſen oder metro als das ein ſchlechter le ſer mer mag darauß vernemē Aber von dē obgeſprochē verß vntz zuͦ en de ditz buͦchs ein kleins comma daſ da überbeleybt wirt zuͦſamen geſetzet mit proſiſchen reden. Vnnd ob das wer das das nyemand wird ſehen. das es wer vnpleiblich des metra ſoͤlten ſeyn bey den hebreyſchen. in der weyß als ſye bey vns ſeyn vn̄ des geleichen bey den kriechen. vnnd pindar vnd alchei. vnnd ſaffo. oder im pſalter oder in dem buͦch der kla ge hieremie. vn̄ gar nahend in aller geſchriffte die man begreyfft cantica. darin ſein metra. auch leß er philonem in ſeinē dreiſſig büchern dye er funden hat. vnnd ioſephum. d̓ do geweſt iſt eyn ſun mathatie eynes pryeſters von iheruſalem. vnd origenem. vnd euſebium ceſarienſem. des landes paleſtine der gar ein fleiſ ſiger ſchriber iſt geweſen. vn̄ geticht hat vnd gezelt getichte goͤtlich bücher. vnnd mit ir aller gezeugknuß wirt er beweret dz ich war geſprochē hab. Darūb ſoͤllen hoͤren mein būd das ſein die nachtklaffer das ich dar umb gearbeit hab in diſem buͦch. nit darumb. das ich wolt ſtraffen dy al ten tulmetzſchung. ſunder dz da die ding. die in diſer außlegung eintwe der verborgen ſein oder vnderwegē vnd vnaußgeleget ſein oder dy mit gebrechlichkeit d̓ ſchreyber nit recht geſchriben ſein durch vnſer tulmetz ſchung offenbaret wurden. vn̄ wir haben gelert auß einem teyle. dy he breyſchen ſprach. vnnd in latein ha ben wir vns gefliſſen mit hitzigem fleyß gar nahend als wir ſeyn gelegen in der wiegen. das wir vnder dē gramaticos vnnd vnder den retho res. vn̄ vnder den natürlichen mey ſtern erfaren ſein. Vnnd ob das iſt das bey den kriechiſchen nach den ſibentzig tulmetzſchungen. Alſo yetzund leuchtend iſt das euangeliuꝫ iheſu chriſti. auffgenomen ſein dye außlegung. vnd die tulmetzſchung des iuden acquila. vnnd ſymmachus vn̄ theodotion. die da geiüdiſcht haben. das iſt das ſy den iuden nachge uolgt haben in fleyſſigklicher nach uolgung. vnnd dar zu ob ſie haben gehalten die ketzer dye man nennet ebronitten. die eins teils haltē dz euā geliuꝫ. vn̄ aber eins teils haltē das iüdiſch geſetz dy mit falſcher betryg licher tulmetzſchung habē heimlich außgeleget in iren kleinen büchern nach dem als man das hatt in den kirchen. vnnd nach dez als das wirt außgeleget von criſtenlichen mannnen. vnd wie vil mer ich ein criſtē auß criſtenlichen eltern vater vnd muͦter. vn̄ ich targen bin das baner des kreutzs Chriſti an meiner ſtirnē des fleyſchs. Ich bin geweſt das ich wolt veranderweyten vnd wider