Seite
weytzheyt xli bes. noch in dem waffen des ge­waltes. Aber mit dem wort. den. d̓ ſich beleÿdiget. machet er gehor ſam. gedenckend d̓ eÿde vn̄ des ge ſchaͤfftes d̓ vaͤter. wan̄ do ſÿ ye­czund waren gefallen einer über den andern. über dē hauffen des to­des. Er ſtuͦnd entzwÿſchen. vnd name ab die jaͤhe. vnd teÿlet den wege d̓ do fuͤret zuͦ dem lebentigē Wann in dem langen gewannde das er het. was aller vm̄kreÿß d̓ erdē. vn̄ die großmaͤchtigen ding d̓ vaͤter warē begraben in dē vier ordnungen d̓ ſtein. vn̄ dem groß­maͤchtigkeit was geſchriben in d̓ kron ſemes haubtes. der d̓ do ver wuͤſtet d̓ hoͤret auff. Vnnd diſes ding erſchrack. wan̄ es was ein einig genuͦgſam verſuͦchung des zorens. Das Capitel xix Wie die kÿnder iſrahel durch dz rott meer geleÿttet wardē. Ver über den vngütigē kumbt d̓ zoren on dye erbaͤrmd biß zuͦ dē jüng ſten tag. Wan̄ er weßt auch vor jre künfftige ding wan̄ do ſÿ ſelb heten widerkeret dz ſÿ verfuͤrten. vnd heten fürgeſeczet mit groſſer ſorgfeltigkeit. do ver­folgetē jn die werch d̓ buͦß. Wan̄ noch heten ſÿ die klag zwÿſchen den hendē. vnd weÿneten zuͦ den grebern der todten. ſÿ nomen jnē ein anderē gedenckung d̓ vnwiß­ſenheÿt. vn̄ woͤlche ſÿ bittēd ver warffen. diſe durchaͤchten ſÿ als die flüchtigen. Wan̄ die wirdig notdurfft fuͤret ſÿ zuͦ diſem ende. vnd ſÿ verluren die gedenckung d̓ ding. die do geſchahen. das. die do abwaren vō den beÿnen erfül let die beÿnigung. vn̄ dem volck gieng wunderberlich. vn̄ das diſe ſunde einen neüen tode. Wan̄ alle creatur warde wider gebÿldet zuͦ ſeinem geſchlaͤcht. vō anfang die nend deinen gebotten. vnnd deine kynder wurdē behuͤtet vnuerſeert Aber die wolcke bedecket die her­bergen. vnd es erſchÿne von dem waſſer das do vorwas ein dürre erde. vnd der wege in dem rotten meer on hÿndernuß. vn̄ das gruͦ­nend feldt vō d̓ groſſen tÿeffe. du rch das alles geſchlaͤchtt gienge. das do warde bedecket mit deiner handt. vnd ſahen deine wunderli che ding. vnd die wunder thÿer. Wan̄ ſÿ abfraſſen od̓ ab weyden ten die ſpeyß als die roß. vn̄ freü weten ſich als die lemmer. vnd macheten dich groß herre. der du ſÿ haſt erloͤßet. Wan̄ ſÿ warend noch jngedench d̓. die do warē ge ſchehen in jrer jn̄wonūg. als wie die erde außfuͤret die mucken für die geburt d̓ thÿer. vn̄ d̓ fluß ließ auß die menig d̓ froͤſche für die fiſch. aber zuͦ leczten ſahend ſÿ die neuͤwen geſchoͤpffd d̓ foͤgel do ſÿ wurdē abgezogen mit begerung. vn̄ hÿeſchē die eſſen d̓ wirtſchaft Wan̄ in d̓ zuͦredung der begierde ſtÿge jn ab das geflügel von dem meer. vnd die bekummerungen ka men über die ſünder. nicht on dÿe ſtraffungen. die jn vor waren ge ton durch die krafft d̓ flüß. Wan̄ ſÿ leidē rechtlich nach jrer ſchal­ckeÿt. wan̄ ſÿ ſacztē auff die faſt