Transkription / Biblia, dt. [320

Baruch Die weytzſagung vnd zuͦ den oren alles volcks das do kame zuͦ dem buͦch. vnd zuͦ den oren der ſüne des gewaltigen küniges. vnd zuͦ den orn der brieſter vnd zuͦ den oren des volcks aller die do woneten in babÿlon. von den jüngſten biß zuͦ jren meÿßten zuͦ dem fluß ſodt oder ſedi. Do ſÿ ſÿ gehoͤreten. ſÿ weÿneten. vnd faßteten. vnd beteten in dem ange ſicht des herren. Vnd ſÿ ſamleten das gelt in dem angeſicht des her ren. nach dem das die handt eins ÿegklichen vermocht. Vnd ſen̄de ten in jheruſalem zuͦjoachim dem ſune helchie. des ſunes ſalon dem brieſter. vnd zuͦ den brieſtern. vn̄ zuͦ allem volcke. die do waren fū den beÿ jn in jheruſalem. do ſÿ nō men die faß des tempels des herren. die do waren hyngenōme vō dem tempel wider zuͦruͤffen in dz landt juda. an dem zehenden tag des monets ſÿban. die ſilbrin faß die ſedechlas der ſune joſie. d̓ kunig juda het gemachet. nach dem vnd nabuchodonoſor der künige der babÿlonier jechoniam het ge nōmen. vnd die fürſten. vnd die gebunden. vnd alle gewaltigen. vnd das volck des landes vō jhe ruſalem. vnd fuͤret ſÿ gebundē in babÿlon. Vnd ſÿ ſprachen. Secht wir ſenden zuͦ eüch das gelt. von dem kaufft die ganczen opffer vn̄ die weÿrach. vn̄ machet die opff er. vnd opffert vmb die ſünde. zuͦ dem altar eüers herren gots. Vn̄ betet vmb das leben des küniges der babÿlonier. vnd vmb das leben balthaſar ſeines ſuns. das jre tag ſeÿen auff der erden als die ta ge des hȳmels. daz vns der herre gebe krafft. vnd erleüchte vnſere augen. das wir leben vnder dem ſchatten nabuchodonoſor des kü nigs zuͦ babÿlon. Vnd vnder dem ſchatten balthaſar ſeines ſunes. vnd das wir jn dienen vil tage. vnd finden genad in jrem angeſichte. Vnd beten vmb vns ſelb zuͦ vnſerm herren got. wan̄ wir haben geſündet vnſerm herren. vnd ſein grȳme iſt nit abgekeret von vns. biß an diſen tag. Vnnd leßet das buͦch. das wir haben geſendet zuͦ eüch. zuͦ eroͤffnen in dem hauß des herren. an dem hochzeytliche tage. vnnd an dem notdürfftigen tag. Vnd ſprechet. Die gerechtig keit iſt vnſerm herren got. Aber vns die ſchande vnſers antlÿczs allem juda. vnd den jn̄ wonern in jheruſalem vnſern künigen. vnd vnſern fürſten. den brieſtern. vnd den weÿſſagen. vnd vnſern vaͤteren als diſer tag iſt. Wir habē ge ſündet vor vnſerem herren gott. wir zweyfelten vnd gelaubeten nit an jn. vnd wir waren jm nit vnder taͤnig. vnd hoͤreten nit die ſtȳme vnſers herren gots. dz we giengen in ſeinen geboten dÿe er vns gabe. Von dem tage. an dem er außfuͤret vnſer vaͤter von dem lande egipti. waren wir vngelau big zuͦ vnſerm herrē got. wir wur den zerſtreüet. vnd ſchieden vns das wir nitt hoͤreten ſein ſtȳme an diſem tag. Vnnd manige übel zuͦhafftten vns. vnd die fluch die der herre het geſeczet moyſi ſeinē knechtt. der do außfuͤret vnſer vaͤ ter vō dem lande egipti. vns zege