Transkription / Biblia, dt. [609

ewangelia machei ccch fleyſſigklich offenbaren. den. die darnach wurden fragen. ¶ Ein andere vorred über ma theum den zwoͤlfbotten vn̄ ewann geſitten. Atheus als er darnache des erſtē hat gepredigett ſein ewange liū in judea. vnd vmb dz das er wolt wandern zuͦ dē heydē. vnd darūb ſchreybt er zuͦ dem erſten dz ewā gelium hebreyſch. vnd dz ließ er dē bruͤdern. von dē er gieng zu einer letz. vnd zuͦ einer gedechtnuß vnd als dz nottürfftig waz zuͦ ei ner beueſtung des glaubens. das man das ewangeltū prediget. al ſo was auch nottürfftig dz man beſchrybe das ewangeliū wider die vnglaubigen kaͤtzer. Vn̄ wie wol jr mer ſind geweſen die das ewangeliū haben geſchriben. Vedoch find jr alleyn vier. die habē ein gezeügknuß d̓ meyſterſchafft wann warumb ſÿ verkündigen durch das vrteyl d̓ welt dē glauben d̓ heyligē driualtigkeyt. Auch ſind ſÿ all vier reder in dē gottes wagen. in dē ſÿ einfuͤren das ewangeliū durch die predig. vn̄ dz mēſchlich geſchlaͤcht wz getoͤ tet in vierfachē tod. vn̄ das was leblich zuͦmachen mitt jr predig Vnd darūb die ewangelia d̓ andern ſind abgeſchniten. vnd man hat die nit zuͦgelaſſen. Dan̄ war umb ſÿ wolten nit zerſtoͤren die vorbeſchribē zal vō krafft wegē der verborgē heyligkeyt. vn̄ wiſſentlich matheü vernym̄t mā in eim menſchē. wān warūb er hat fürderliche geſchribē von vnſers herrē menſcheit. Marcus in einē lewen. darūb dz erſchrib von vn ſers herrē aufferſteeung. Lucas in einē ochſſen. darūb das er beſchreibt von dē opfer. vnd vō der prieſterſchafft. Iohānes in eynē adler. darūb das er ſchreibt von der verborgē gotheyt. Hie iſt zewiſſen dz criſtus dē die vier euā geliſten beſchreyben. iſt geweſen ein mēſch. nach dē als er iſt gebo ren auß d̓ junckfrawen. Auch iſt er ein ochß. nach dē als er iſt geopfert. Auch iſt er ein leen. nach de als er iſt erſtanden. Vnd er iſt ein adler in ſeier hȳmelfart. Itē in d̓ figur eines menſchē. vernȳme die mēſcheyt criſti. Vn̄ in der figur eines ochſen vernymm die prieſterſchafft criſti. Vnd in der figur eins lewen vernym̄ die kü nigklichē wirdikeyt criſti. vn̄ in der figur eines adlers wirdt hie außgeſprochē das ſacramēt goͤtlicher wirdigkeyt. ¶ Ein ende haben die vorrede. Vnd hebet an daz ewangeli ſant Mathei des ewangeliſten vnnd zwoͤlffbotten. Das erſt Capitel Iſt vō der geburt der.xx. altuaͤtter. von vnderſchyd jrer geburte Vnnd von der geburt chriſti. auß Maria. vnd wie der engel dē joſeph erſchyne. do er Mariā verlaſſen wolt.