Seite
ſancti marci cccl het geſchryen vnd was verſchey den. er ſprach. Werlich der wz der ſun gots. Es waren auch weyb ſchawent von verr. vnder dē wz maria magdalena. vn̄ macia ja­cobi des mindern. vnd die muͦter joſeph. vnd ſalome. do er waz in galilea ſÿ nachuolgtē jm vn̄ die neten jm. vnnd ander vil die mit einander waren auffgangen mit jm zuͦ jheruſalē. Vnd do es yetz und was ſpet wordē. dan̄ es wz der karfreytag der do iſt vor dē ſabbath. Ioſeph von arimathia ein edler vom hoff kam. er ſelbs was der junger jheſu. vn̄ wartet des reichs gots. Der gienge ein durſtigklich czuͦ pylatum. vnnd hyeſch den leyb jheſu. vnnd pyla tus wunderet ſich. ob er yetzund waͤr todt. vnd do er het erkant von dem centurio. er gab joſeph den leib. vnd joſeph kaufft einen ſÿndon. vnd nam jn ab. vnd ban de jn in den ſÿndon. vnnd legt jn in ein grabe. das do was außge­hawen in einen ſteyn zuͦ der ture des grabs. vnnd maria Mag­dalena vnd maria joſeph ſchau­ten. wō er wurde gelegt. Das xvi Capitel Von der vrſtend criſti. Vnd wie er zuͦ erſt marie magdalene vnd darnach zweyen andern menſch­en. vnd zuͦletzſt den eylff jungern erſchin vn̄ ſÿ ī die welt ſendet dz euāgeliū zepredigēaller creatur Nd do der ſabbath ver gienge Maria mag dalena vnnd maria ja cobi. vnd ſalome kauf ten ſalben. vnnd kamen das ſÿe jheſum ſalbten. vnnd an eim tag der wochen gar fruͤe kamen ſÿe czuͦ dem grab. als die ſunne was yetzund auffgegangen. vnnd ſp­rachen zuͦ einander. Waͤr welcz­et vns ab den ſteyn von der ture des grabs. Sy ſchawten vnd ſa­hen den ſteyn abgeweltzet. Dan̄ er was gar groß. Sy giengen in das grab. vnd ſahen einen jung­ling ſiczendt czuͦ der gerechten be kleydet mitt weyſſem gewande. vnnd ſÿe erſchracken. Er ſprach czuͦ jn. Nichtt woͤlte erſchrecken. Ir ſuͦchet hie Iheſum von naza­reth den gekreüczigten. er iſt nit hie. er iſt erſtanden. Sehet auch die ſtatt. do ſÿ jn haben geleget. Aber geet. vnnd ſaget ſeinen jun gern vnnd Petro. dann er wirdt eüch vorgeen in galileā do wer­det jr jn ſehen. als er eüch hat ge ſaget) Sy giengen auch auß vn̄ flohen von dem grabe. Wan̄ der ſchreck vnnd vorcht hett ſÿe be­ſtanden. vnnd ſÿ ſageten auch zuͦ nÿemandt ichrzit. Wann ſÿ for­chten ſich. Aber jheſus ſtuͦnde auff fruͤe an dem erſten ſabbath. vnnd erſchyne auch zuͦm erſten marie magdalene von der er het außgeworffen ſÿben teüfel. Sye gieng vnd verkündet es. den. die mit jm waren geweſen klagendt vnnd weynendt. vnd do ſÿ het­ten gehoͤrt das er lebt vnnd waͤr geſehen von jr. ſÿ glaubtē es nit Aber nach dyſen dingen iſt er zweyen auß den wanderenden er zeygt in eyner anderen geſtalte. als die giengen in ein dorffe. vnd B. iiij.