Die epiſtel aufftig über all hȳmel. das erer füllet alle ding. Vnnd er gab etlich botten. aber etlich weyſſagen. vnnd die anderen ewangeliſten. aber die andern hirtten. vnnd lerer zuͦ der volendung der heyligē in das werck des dienſtes in die bawung des leybs chriſti. biß dz wir jm all entgegen lauffen in d̓ eynigkeit des gelaubens vnd der erkennung des ſuns gots. in eim volkommen mann in der maſſe der erfüllung des altars chriſti. das wir yetzund nitt ſind kleyn zweyflent. vnd werden vmbtragen mit eim yegklichenwind der lere in der ſchalckheyt der menſch en in der argliſtigkeyt zuͦ der vm̄ fuͤrung der rrſale. Wan̄ wir tuͦn die warheyt in der lieb. vnd ſüllen wachſen in jm durch alle din ge. der do iſt chriſtus ein haubte. auß dem der gantz leybe iſt zeſamen geſtrickt durch einyegklich fuͤgung der vnderdienunge nach der wurckunge in der maß eynes yegklichen gelydes. er thuͦtt die merung ſeins leibs. in ſein bawung. in der liebe. ¶ Darumb diß ſag ich. vnd bezeüg in dē herren. daz jr yetzund nicht geet als die heyden geen in der eytelkeyt jres uns. habent ein verfinſterte verſtentnuß. gefrembdet von dē wege gots durch die mißkennunge die do iſt in jn. vm̄ die blintheit jrs herczen. die do verzweyfeltē vnd ſich ſelb antwurten der vnkeüſche. in die würckunge aller vnreynnigkeyt in die geytigkeyt Aber habt nit alſo gelernet chriſtum. Iſt ſache anderſt das jr jn gehoͤret habt. vnd ſeyt in jm vnderweyſet. als die warheit iſt in heſu. Dz jr von eüch leget nach dē alten wandel. den alten men ſchen. der do wirt zerſtoͤret nach den begerungen der jrrſale. ¶ Ab er werdet erneüert mit dem geyſte eüers gemuͤts. vnnd leget an eynen neüen menſchen der do iſt geſchaffen nach got in der gerech tigkeyr vnnd in der heyligkeytt der warheyt. Darumb legt von eüch die luge redt die warheyt. ein yegklicher mit ſen naͤchſten Wann wir ſind gelider einer des andern. Zürnt. vnd nichten woͤlt ſünden. Die ſunn gee nicht vnder über eüern zorn. Nicht gebt ſtatt dem teüfel. Der do ſtal. der ſtele yetzund nit. Aber er ſoll mer arbeyten würckendt mit ſeinen hen den. das do iſt guͦtte. das er habe dauon er gaͤbe. den. die do leyden die notturfft. keyn übel rede ſol außgeen auß eüerm munde. aber ein guͦtt rede czuͦ der bawung des gelauben. das ſÿ gaͤb genad. den. die ſÿ hoͤren. Vnd nicht woͤlt betruͤben den heyligen geyſt gotes. in dem jr ſeyt gezeychent an dem tage der erloͤſunge. all bitterkey te. vnnd zoren vnnd vnwirdigkeyt vnnd geſchrey vnnd ſpotte werde auch genommen von eüch mitt allem übel. Aber ſeyt guͤtig aneinander. vnnd barmhercz ig vnd vergebt aneinander. als euch got vergab in criſto v Capitel Das
zum Hauptmenü