Seite
epiſtel Die ich weiß das du thuͦſt über das ich ſage. wann auch zuͦgleicher­weiß bereit mit die herbergwān ich verſihe mich eüch zegebē dur ch eüer gebette. Dich gruͤßt epa­fras mein mitgefangner in jeſu criſto. Marcus. ariſtarchus. de­mas. vnnd Lucas mem helffer. Die genad vnſers herren Iheſu criſti ſeÿ mit eüerm geyſt amen. Die epiſtel zuͦ phillemonem hat ein ende. Vnnd hebet an die vorred zuͦ den hebreern oder ju­den. uͦm erſtē iſt zoſoge vor umb Pau­lus der bott ſchreybendt diſe epiſtel nit hatt be­halten ſeinē ſitten. oder das wort ſeins namē oder ſchribe die wirdigkeyt der ordnung. Diſe iſt ſach. daz er ſch rib zuͦ den. die da gelaubten auß der beſchneydung als ein apoſtel der heyden. vnnd nicht der juden wann er weſt jr hochfart. Dar­umb zeyget er auch ſein diemuͤ­tigkeyt. er wolt nicht fürtragen das verdienē ſeins ampts. wān auch zuͦgeleicherweyß Iohānes der zwoͤlffbot durch der ſach wil len der diemuͤtigkeyt. ſaczt er ſei nen namen nichtt vor. Darumb diſe epiſtel wirdt geſaget. dz ſÿ ſey geſant von dem apoſtel zuͦ dē juden geſchryben in hebreyſcher zungen. des ſÿn vnnd ordnunge hatt behalten lucas der ewange­liſt. nach der hynfart Pauli des zwoͤlffbotten. vnnd hat ſÿ außge­leget in kriechiſche ſprach. Die vorred hat ein end Vn̄ hebt an die epiſtel zuͦ den hebre­ern. oder zuͦ den juden. Vnnd hat­xiij. capitel. darjnn ſandt Pauls anzeyget vnnd zuͦerkennen gibt den mangel vnd gebrechē des ge ſeczs moyſi. Vnd die volkōmen­heyt des ewangeliſchen geſeczs. Vnd das criſtus warer got vnd menſch ſey. Vn̄ ein mitter gotes vnd der menſchen. Capitel Das erſt Ot redt ettwenn zuͦ den vaͤttern in den weiß ſagē in ma nigerley re­de. vnnd in māgerwei­ſe zuͦ jungſt in diſen tagen hat er geredt zuͦ vns jm̄ ſun. den er ſeczt einē erben aller ding. durch dē er auch macht die welt. wie das er iſt ein ſcheyn d̓ glori. vn̄ ein bild einer ſubſtantz vn̄ truͦg alle din ge in dē wort ſeiner kraft Er tuͤt die reynigūg der ſündē. er ſiczt zuͦ er gerechtē d̓ meyeſtat in dē hoͤ hen. alſuil er iſt gemachet beſſer den̄ die engel. Souil vnderſchid­licher hatt er erbet den name vor jn. wān jm hat er zezeytē geſagt auß den engeln. du biſt mein ſun ich gebar dich heüt. Vnd ander­weyd. Ich wird jm zuͦ eim vater vn̄ er wirt mir czu eim ſun. Vnd