Seite
Das buͦch Der würckung mit kurczer rede daz jn beſſer deü chte. denn das er den verdroſſen. lang red gegeben hett. Wann er weſte dz der würckent bawman ſeiner eygen fruchte muͦß eſſen. Dem ſelbe ſant luce hat alſo mit geuolget goͤtlichē genad. dz ſein aͤrtzney mit alleyn gefrumbt hat zuͦ dem heyl des leybs Sund̓ au ch zuͦ dem heyl der ſele. Die vorred hat ein end Vn̄ hebet an daz buͦch der würckung der zwoͤlffbotten in. xxviij. capitel geteylt. darjnn lucas der auffart criſti. die ſichtbern ſendunge des heyligen geyſts erzeyget. vn̄ die werck vnd die geſchicht der apo­ſtel. vnnd zuͦuoran ſant paulſen beſchreibt. Vnd auch die gelegen heyt der neügeborn kirchen. Das erſt Capitel Heophi­le. Ich habe dye predig gethan von allen dingē die Iheſus anfienge ze thun vnnd an den tage an dem er gebott den apoſteln die er er­woͤlet durch den heyligen geiſt vnnd dē er ſich ſelb gab lebendig nach ſeyner marter in manigen eroͤffungen erſcheynent jn durch xl. tag. vnnd redent von dem rei­che gots. Vnnd mit jn eſſent ge­bot er ju. das ſÿ nicht abſchieden von jheruſalem. aber das ſÿ har reten der verheyſſunge des vat­ters. die jr habet gehoͤret durch meinen mund. ſagendt. wann jo hannes tauffet jm waſſer. Aber jr werdet tauffen jmm heyligen geyſt. nit nach manigen diſen ſa geen. darumb die do waren zuͦſa­men kommen die fragten jn ſa­gendt. Herr wirſtu in diſer zeyt widergeben das reich iſrahel. Er ſprach zuͦ jm. Eüch gehoͤrt nicht zuͦ zeerkennen die zeytt oder die augenblick die der vater hatt ge­ſeczt in ſeim gewalt. aber jr wer det empfahen die krafft des hey igen geyſts von oben komment in eüch. vnnd jr werdet mir ge­zeügen in jheruſalē. vn̄ in allem judea. vnnd in ſamaria. vnd biß an das ende der erde Vnnd do er die ding hett geſaget. ſÿe ſahen das er erhebet ward. vn̄ die wol cken empfieng jn von jren augen Vnd do ſÿ ſahen jn geent in den hȳmel. ſehet zwen man̄ ſtuͦnden bey jn in weyſſen gewanden die do auch ſprachen. Ir galileyſchē man̄. was ſteet jr auff ſehent in den hȳmel. Der jheſus der do iſt empfangen von eüch in dē hym­mel. alſo wirt er kōmen als jr jn ſahet geen in dē hȳmel. Do ker ten ſÿ wider in jheruſalē von dē berg der do iſt geheiſſen der oͤlber ge der do iſt bey jheruſalem ha­bendt den weg des ſabbaths das iſt ein meyl. Vnnd do ſÿe waren eingegangen in den ſoler Sy giē geen auff do ſÿe belyben. Petrus vnnd auch Iohannes. Iacobus vnd andreas. philippus vn̄ tho­