Seite
Das buͦch Der heymlichen Ohanes ei zwoͤlffbott. vn̄ auch ein ewangeliſt von dē her­ren jeſu cri ſto auß er­woͤlet vnd bet in ſoͤllicher liebe. der lieb er überflüſſiger gehabet wordē. das er an dem abenteſſen auff ſeiner braſt ruͦer. vnd jm. da er beydem kreücz ſtuͦnde. alleyn ſein eygne muͦter befalhe. Vnnd den der herr hat beruͤfft zuͦ d̓ vm̄­fahung der junckfrawſchaft. der da woͤlt geheyrat haben. de gabe er zebehuͤten die junckfrawe. Di ſer. da er nun vmb das wort go­tes vnd die vrkund jheſu chriſti in die inſeln pathmes warde m das ellend komen da ſelbſt. von dē ſelben warde das buͦch apota­lipſis. daz jm vor beweyſet war de. geſchriben. als gleicherweyſe in dem anfang der ler. daz iſt des buͦchs Beneſis der vnzerſtoͤrlich­anfang wirt vor gemercket. alſo auch das vnzerſtoͤrlich ende der junckfrawen in apocalipſi wurd widergeben ſprechent. ich bin al­pha vnd. der anfang vnd dz en­de. diſer iſt Iohānes. der da wiſt­vnd erkant jm zuͦ nehen den tag ſeiner außgeeung von dem leich nam. vnd zuͦſamen vordert in ep heſo ſein junger vnd gieng ab in die gruͦb die ſtatt ſeins grabes. vnnd da er volbracht ſein gebet. gab auff ſeinē geyſt als außwen. dig worden von dem ſchmerczen des tods. wie vil frembd er iſt er ii. kennet von der zerſtoͤrūg des lei bes. des aber ſchickung der geſch­rifft od̓ ordnung des buͦchs wirt darūb vō vns nit durch all ding außgeleget. das dē vnwiſſenden zeerforſchen die begird werde ge ſeczet. vnd dē ſuͦchenden die fru­cht der arbeyt. vnd got die mey­ſteiſchafft der lere werd behaltē. i Ein ende hat die vorred. Hie hebt an dz buͦch d̓ heym lichen offenbarung. Darjn wer­den beſchriben die offenbarūg die ant Iohanſen durch den engel beſchehen ſind. Auch die anfech­tung vnd truͤbſale die die kirche in anfang gelittē hat. auch yetzo leydet. Vnd jm ende der welt. vn̄ zuͦuoran zuͦ der zeit des entkriſts leyden wirdet. Vnd von der belo nung die ſÿ wirdt empfahen in dem ewigen leben. Das erſt Capitel Ie eroͤffnū­I ge jheſu cri ſti die īgot gabe offen­bar zemach en ſeinē kne chtē die din ge. die auch da muͤſſen werde ſchier. vn̄ thet kundt ſendent durch ſeinen engel ſeinē knecht Iohann der da gab gezeücknuß dem wort gots. vnd die zeügknuß jheſu chriſti. alles das er auch ſahe Er iſt ſaͤlig. der da liſet vn̄ der da hoͤret die wort diſer weiſſagung. vnd behelt die