Propheten CIIIIIIIIII. Des der mitt iude. Noch kein ding wirt euch gelaſſē vbrig ſo ir mich bewegt in den wercken ewer hend zeopffern­den frembden goͤttern in dem land egipti. in das ir ſeyt eingegangen. das ir do wonet vnd verderbet Vn̄ ſeyt zuͦ einem fluͦch vnnd zu eynem laſter allen leuten des lands Habt ir denn vergeſſen die uͤbeln ding eu­wer veter. vnd die uͤbeln ding der kü nig iuda. vnd die übeln ding ewer weyber die ſie tetten in dem land iu da vnnd in den gegenten iheruſaleꝫ Sie ſeind nit gereiniget vntz an dy ſen tag. vnnd vorchten ſich nit. vnd gingen nicht in der ee des herren vn̄ in meinen gebotten die ich gab vor ewch vnnd ewern vetern. Darumb diſe dinng ſpricht der herr. der heer got iſrahel Seht. ich ſetz mein ant­ltz in euch in dem uͤbel. vnd ich zer­ſtrew alles iudam. vnd ich nim dy beleibung iude. die da ſatzten ir ant­litz. das ſie eingingen in das land egipti vnnd wonten do/ alle wer­dendt ſye vorwuſtet in dem land egipti. vnd ſie vallen in dem waffē vnd werdent verwüſteet in dez hun­ger Von dem mynſten vntz zuͦ dem meyſten ſterben ſie. in dem waffen vnd in dem hunger. Vnnd ſie wer­den zuͦ einem geſchworen recht. vnd zuͦ eim wunder. vn̄ zuͦ eim fluͦch. vn̄ zuͦ eim laſter. Vnnd ich heymſuch die inwoner des lan des egipti. als ich heymſuͦcht über iheruſalem in dem waffen. vnd in dem hunger vn̄ in der piſtellentz Vnnd er wirt nicht der do empflyeh. vnd ſey überig vō den beleibung der iuͤden. die da geen das ſie ellenden in dem land egipti vnd keren wider in das land iuda. zuͦ dem ſie auffheben ir ſelen. das ſie widerkeren vnd wonen do/ Da kerē nicht wider. nur die da geflohē ſeind Wann alle mann. die da weſten. dz ſie opfferten ire weiber den fremb­den goͤttern. vnnd alle weyber die ein groſſe menig. da ſtund. vn̄ alles vō lck. die do wonten in phatures in dē land egipti. antwurten iheremie ſa­gend Wir hoͤren nit vō dir dz wort das du haſt geredt zuͦ vns in dez na­men vnſers herren gottes. Aber thund woͤllen wir thun/ ein yeglich wort. das da außgee von vnſerm mund/ das wir opffern der künigin des hymels vnd opffern ir die opffer als wir theten. wir vnd vnſer vetter vnſer künig vnnd vnſer furſten in den ſtetten iuda/ vnd in den ſtraſſen iheruſalem/ vnnd wir wurdē geſatt mit brot vnd vns was wol vnnd ſa­hen nicht das übel Aber vō der zeyt in der wir auffhorten zuͦ opffern der kuͤnigin des hymels vnd zuͦ opffern die kuchē ſo bedürffen wir aller ding vnnd ſeind verzert in dem waffen vnd in dem hunger. Vnnd ob wir nit opffern der künigin des hymels vnd opffern ir die kuchen Oder ma­chten wir die kuchen on vnſer man̄ ſie zuͦ eren/ vnd zuͦ opffern die fladē Vnnd iheremias ſprach zuͦ allem volck wider die mann vnnd wyder die weyber vnnd wider alles volck die im antwurten das wort ſagend Hatt denn nicht gedacht. der herre des opffers das ir habt geopffert in dē ſtette iuda vn̄ in dē ſtraſſē ieruſalē ir vnd ewer vetter vnd ewer kuͤnig vnd ewer fürſten vnd das volck deſ landes vnd ſteigauff vber ſein hertz Vn̄ der herr mocht furbas nit tra­gen vmb das vbel euwerer lernung vnd vmb die vnmenſchlichen uͤbel