Des pophetē X.VIIIIII heer gott iſrahel. Seht ich zerbrich den bogen elam. vnd wil nemen ir ſterck. vn̄ ich fürein über elam vier windt. von den vier oͤrtern des hymels vnnd ich zerſtrewe ſie in all diſe wind. Vnd das volck wirt nit. zuͦ dē die fluͤchtigen elam nicht kumen Vnd ich mach erſchrecken elam vor ſeynen veynden. vnnd in dem angeſcht der. die da ſuͦchen ir ſele. Vn̄ ich zuͦfür uͤber ſie. das übel. dē zorn mey nes grimmens ſpricht der herr. Vn̄ ich ſend auß das waffen nach in. biß das ich ſie verwuͤſt. vn̄ ich ſetz meyn geſeß in elas. vnd verleur die künig vnd die fürſten von dan̄ ſpricht der herr. Aber in dem iungſten tagen mach ich widerkeren dye gefangen elam ſpricht der herre. Das II. capitel. Vō den prophetzeyen der übeln dinng die uͤber babilonien auch über dye vnglaubigen vnd widerſtrebendē menſchen kumen v v tz iſt das e U wort das der herre hat geredet von babilon. vnd von dem land der chaldeer. in der handt iheremie des weyſſagen. Verkündet in dē leuten vn̄ machet das gehoͤrd Hebet auff das zeychen. prediget vnnd nit wolt verbergen. Sprechet Babilon iſt gefange. bel iſt geſchēdet. marodach iſt uͤberwun den. alle ir gehawene bild ſind verwüſtet. ir abgoͤtter ſeind überwunden. wan̄ ein volck wirt auffſteygē wider ſie von mittnacht vnnd ſetzt ir land in die eynoͤde vnd er wirdt nit. der da wone in im Sie ſind bewegt vnd giengen hin von dē men ſchen vntz zuͦ dem vih. In den tagē vnd in dem zeyt ſpricht der herre. dy ſün iſrahel. ſie. vn̄ die ſün iuda werden kumen mitteinander Geend vn̄ weinend nahen ſie herzuͦ. vnd ſuͦchē iren herren gott. Sye frageten den weg in ſyon. ire antlytz kumen her vnnd ſie werden zuͦgeleget dem her ren mit ewigem gelübd. das da nit wirt vertilget Mein volck iſt worden ein verlorne herd. ir hirten verfuͤrten ſie vnd machten ſie irren an den bergen Vnd ſie giengen vō dē berge an dē buͤhel. ſie vergaſſen irer ruͦkamer. Alle. die ſye funden. aſſen ſie Vnnd ire veind ſprachen Wir ha ben nit geſundet. darumb dz ſie hetten geſündet dez herren der gezyerd der gerechtigkeyt. vnd dē herren der harrung ir veter Scheydet euch vō der mitte babilon. vnd geetauß vō dem land der chaldeer. vn̄ ſeyt als die boͤck von der herd. Wann ſeht. ich wil erkücken vnd zuͦfüren in ba bilon von dem land mittnacht. ein ſamlung groͤſſer voͤlcker vn̄ ſy wer den bereyt wider ſie. vnd wirt von dannen gefangen an dē tag Ire ge ſchoß ſind als eines ſtarcken mans des erſchlagers. es keret nicht wider eytel Vn̄ chal dea wirt in ein raub. Alle die. die ſie verwüſten. werdē er füllet. ſpricht der herre Wann ir fre wet euch. vn̄ redt groſſe ding berau bend mein erbe. wann ir ſeyt außge goſſen als ein kalb über dz graß vn̄ habt geluͦet als der ſtyer Ewer muͦ ter iſt groͤßlich geſchendet vnnd die ich gebar. iſt zuͦgeleychet dem ſtaub Seht ſie wirt die iungſt vnder den leuten vn̄ wuͤſt vn̄ vnwegſam. vn̄ dorrend vō dem zorn des herrē Sie s iij
zum Hauptmenü