Ezechielis Die Veiſſagung neſt in der mitt des raytzendē hauß die do haben augen zeſehen vnnd ſe hen nit. vnd orn zehoͤren vnnd hoͤren nit. wan̄ es iſt eyn raytzendes hauß Darūb du ſun des menſchen mach dir die vaß der uͤbergeeung. vnnd uͤbergee durch den tag vor in Aber du wirſt übergeen von deyner ſtat zuͦ eyner anderen ſtatt inn irem angeſiht. ob ſie villeicht anſehen. wan̄ es iſt ein erzuͦrnends hauß Vn̄ trag herauß deine vaß. durch dē tag in irē angeſicht. Als die vaß des der do uͤbergeet Aber du geeauß an dez obendt vor in als der übergeend außgeet. Durchgrab dir die wand vor iren augē. vn̄ gee auß durch. ſie in irem angeſiht Du wirſt getragen auff den achßlen. du wirſt getragen auß in der tunckle Bedeck dein ant litz. vnd ſih nit die erd wan̄ ich hab dich gegeben zuͦ eynem wunnder dem hauß iſrahel/ Darumb thetu als mir der herr het gebottē. Ich bra cht meyn vaß durch den tag als die vaß des. der do übergieng. vnnd ich durchgruͤb mir die wand mit der hand an dem obend vnnd ich gieng auß in der tunckel. vnd ward getra­gen auff den achſeln in irem ange­ſiht Vnd das wort des herren iſt fruͤ gethan zuͦ mir ſagend. Du ſun des menſchen. ſprach denn nit zuͦ dir daſ hauß iſrahel. das raytzend hauß wz thuſt du Sprich zuͦ in Diſe ding ſpri cht der herr got uͤber den fuͤrer dieſe buͤrde. der do iſt in iheruſalem. vnd uͤber alles hauß iſrahel das do iſt in irer mittē Sprich. Ich bin euch eyn wunder In welcherweyß ich hab ge than alſo geſchicht in/ Sie geen in die uͤbergeeung vnd geuencknuͦß vn̄ der fuͤrer der do iſt in irer mitt wirdt getragen auff den achßeln. er geet auß in der tunckel Sie durchgraben die wand das ſie in außfuͤrten Sein antlitz wirt bedecket das er nit ſehe die erde mit den augen. Vnnd ich ſtreck mein netz uͤber in vnd er wirt geuangen in meiner ſegen. vnd ich zuͦfuͤr in inn babilon in das land d̓ chaldeer/ vnd er ſiht ſie nit. vnnd do ſtirbt er. vnnd alle die. die bei im ſeind Sein hilff vnd ſein heer zerſtrew ich in einem yegklichen wind. vnnd ich zeuh auß das waffen nach in. vnnd ſie werden wiſſen das ich bin der he­re ſo ich zerſtrew in den heyden vnd ſee ſie in den landen/ Vnnd ich laß wenig mann auß. in von den waff­fen. vnd von dem hunger vnd von der peſtillentz vnnd ſie verkünden all ir miſſetat vnder den leuten zuͦ den ſie eingeen. vnd ſie werden wiſſen dz ich bin der herr Vnnd das wort des herren iſt gethan zuͦ mir ſagēd Sun des menſchen iß dein brott in der be­trübung. vnd trinck dein waſſer in eylung. vnd in trawren vnd ſprich zuͦ dem volck des landes Diſe ding ſpricht der herr got zuͦ den. die do wo nen in iheruſalem in dem land iſra­hel Sie eſſen ir brot in der eynoͤde vnd trincken ir waſſer in der vnwuͤ­ſtung das das land werde gelaſſen vō irer menig vmb dy miſſetat all­ler dy do wone in ir vnd die ſtettd nun werden ingewonet werden ge­laſſen. vnd das land wirt wuͤſt vnd ir werdet wiſſen das ich bin der herr Vnnd das wort des herren iſt ge­than zuͦ mir ſagend. Sun des men ſchen was iſt euch ditz ſprichwort der ſagenden in dē land. iſrahel dye tag werdē aufgeſchoben in die leng vnnd ein yegklich geſicht verdirbet