Ezechielis Die Veiſſagung vn̄ ir vindunge. vnd ir werdet erken̄ nē dz ich nit thet vergebēs alle ding die ich tet in ir Spricht der herr got. Das.V. capitel vō dem vnnuͦtzen holtz des weingarten durch das die zerſtoͤrung iheruſalem beteutet ward. nd das wort des herren iſt gethan zuͦ mir ſagend ſun des men­ſchen was geſchicht von dez holtz der reben. auß allen holtzern der buͤſche­die do ſeind zwiſchen den hoͤltzern der welde Wirt denn von ir genum men ein holtz das es werd ein werck oder wirt gemacht vonn ir ein pfal das ein yegklich vaß hang ann im Seht ſie iſt gegeben dem fewer zuͦ eim eſſen. ire yetwedern teyl hat ver zeret das fewer. vnd ir mittelteyl iſt gekert in die aſch Wirt es denn nuͦtz zuͦ dem werck/ Auch do es ganntz was do was es nit zymlich zuͦ dem werck. wieuilmer ſo es hatt verwuͦ­ſteet das fewer. vnnd verbrent keyn ding des wercks wirt auß im Dar­umb diſe ding ſpricht der herr gott. Als das holtz der reben das ich hab gegeben zuͦuerwuͤſten dez fewer vn­der den hoͤltzern der welde vnd alſo antwurt ich die inwoner iheruſalez vnd ſetz mein antlitz wider ſie. Sie geen auß von dem fewer vnnd das feuwer verwuͤſtet ſye. Vnnd ir wer det wiſſen das ich bin der herre ſo ich ſetz mein antlitz wider ſie. vnnd gib das land vnwegſam vnd ver­wuͤſt. Darumb das ſie waren uͤber­geer. Spricht der herre got. Das.VII. Capitel. Wie got iheruſalem all ir vnmen­ſchlichkeit irer ſunden da mit ſie in zuͦ zorn bewegt hetten fuͤrleget vnd ſunder die uͤbelthat der vnkeuſcheit Vnd wie das volck geſtrafft vnnd den zodomittern zuͦgeleicht wuͤrd. d das wort des herren iſt gethan zuͦ mir ſagend Sun des mē ſchen thuͦ iheruſalem kundt ire ver­fluͦchte werck vnd ſprich Diſe dinng ſpricht der herr got iſrael Dein wur tzel vnnd dein geſchlecht iſt von dem land der chananeer. oder chanaan. Dein vater amorreus vnd dein muͦ ter cethea. vnnd do du biſt geboren dein nabel iſt nit verſchnitten an dē tag deiner geburt. vnnd biſt nit ge­waſchen in dem waſſer zuͦ dem heyl noch geſaltzen mit dez ſaltz noch ge wickelt in die tücher Mein aug ſcho net nit uͤber dich. das ich dir eins tet von dē ich mich dein erbarmet wan̄ du biſt verworffen auff dein antlitz der erde in der abwerffung deiner ſel an dem tag in dem du biſt geboren do ich aber gieng durch dich vn̄ ſah dich zertretten in deinem blut. Vnd do du wareſt in deim blut. ich ſprach zuͦ dir. Lebe. Ich ſprach aber zuͦ dir in deim blut. Lebe. Ich gab dich ge manigualtiget als die bluͦmen des ackers. vnd biſt gemaniualtiget vn̄ biſt groß wurden. vnnd biſt einge­gangen vnd biſt kummen zuͦ weyb lichem gezierde. Dein bruſt ſein auf gangen. ſih vnd dein harlock gru­net. vnd du wareſt nackendt. vnnd vol ſchanden. Vnd ich ging durch dich vnd ſah dich. vnd ſih. dein zeyt iſt die zeyt der liebhabenden. Vnnd ich bereittet meine deck auff dich vn̄