Ezechielis. Die Veiſſagung umb das du nit wareſt erfüllet Vn̄ nach dem vnnd du haſt geunkeuſchet vnd biſt auch alſo nit erſattet. vnd haſt gemanigualtiget dein gemein ſamung in dem land chanaan mit den chaldeern. vnnd biſt auch alſo nit geſattet Warinn reinige ich dein hertz ſpricht der herre got So du tuſt alle dieſſe werck des gemeinen weibs Vnd der ſchelckin. Wann du haſt gemachet dein gemeins hauß in dez habt eines yegklichen wegs. vnnd haſt gemachet dein hoͤhe in einer ieg lichē gaſſe Du biſt nit wordē als ein gemeines weyb das mit verdroſſenheit meret den lon. aber als ein eebrechends weyb. die uͤber iren mann einfuͤret die frembden Allen gemey nen werden gegeben die loͤne. aber du haſt den lon geben deinen liebha bern vnd du gabſt in gab das ſie ein gingē zuͦ dir allenthalbē zuͦgemeinſamen mit dir Vnd es iſt gethan in dir wider die gewonheyt der weyber in deinen gemeinſamungen. vnnd die gemeinſamunge oder vnkeuſch wirt nit noch dir Vann in. dem das du haſt gegebē den lone vnnd haſt nit empfangen den lone. iſt es worden widerwertig in dir Darūb o gemeine hoͤr das wort des herren Diſe ding ſpricht der herre got. Darumb das dein ſchatz iſt außgegoſſen. vnd die ſcham iſt emploͤſſet in deinen gemeinſamungen uͤber deinen liebhaber. vnnd uͤber die abtgoͤtter deiner verfluͦchten werck. die du in gabſt in dem blut ſeiner ſuͤne. ſihe. ich ſamel all dein liebhaber mit den du biſt ver miſchet. vnnd alle die du liebhetteſt mit allen den die du haſſteſt Vnnd ich ſamel ſie allenthalben über dich vnnd ich emploͤß dein ſcham vor in vnnd ſie ſehenall dein ſchnoͤdigkeyt vnd vrteyl dich mit dem vrteyl der eebrecherin. vnd der die do vergiſſen das blut Vnnd ich gib dich in das blut des zorns vnd der rach. vn̄ gidich in die hende Vnd ſie verwuͤſten dein gemeines hauß vnd zerſtoͤren dein gemeins hauß. vnd ſie emploͤſſen dich deins gewandes. vnd nem ab die vaß deiner gezierde vnd laſſen dich nackend vnd vol ſcham vn̄ ſie zuͦfu̇ren uͤber dich die menig Vnd ſteynen dich mit ſteynē. vnd erſchla hen dich mit iren waffen. vnnd verbrennen dein hewſer mit fewer vnd thun in dir die vrteyl vor den augmaniger weyber Vnd du hoͤrſt auff zeunkeuſchen vnnd gibſt fuͤrbas ni den lon vnd mein vnwirdigkeit ho ret auff in dir. vnd mein rach wirdt abgenumen von dir Vnnd rue das ich fuͤrbas nit zurne. darumb dz di werdeſt gedencken der tag deiner in gent. vnd haſt mich bewegt in allen diſen dingen. Vnd darumb ich gab deinē weg in dein haubt ſpricht der herre got. vnd tet nit nach deinē ſuͦn den in allen deinen verbannenſchaſ ten oder verfluchten wercken. Sih ein yeglicher der do ſpricht zuͦ dez gepoͤfel Ditz ſprichwort ſagēd Er wirt das auffnemen in dir Als dye mutter alſo auch ir tochter. Du biſt die tochter deiner muͦter. die do verwarff iren man vnd ire ſun vnnd du biſt ein ſchweſter deiner ſchweſter. die do verwurffen ire mann vnnd ire ſuͤn Ewer muͦter cethea. vnnd ewer vater amorreus Vnnd dein ſchweſter das groſſer ſamaria ſie ſelb vnd ir toͤchter. de do wonen zu deiner lincken. Aber dein minder ſchweſter denn du die do wonet zuͦ deiner gerechten iſt
zum Hauptmenü