Ezechielis. Die Vriſſagung enden die raub. einen nit widergebenden das pfand. einen auffhebenden ſeine augen zuͦ den abtgoͤttern eim thunden die verfluͦchte werck ei nem gebenden zuͦ dem wuͦcher vnd mer dann dz haubgut nemend. wirt er denn leben Er wirt nit leben So er thut alle diſe verbannen dinng Er ſtirbt des todes. Vnd ſeyn ſund wirt auff im Vnnd ob er gebirt eynē ſun. der do ſiht alle ſund ſeins vatters. die er hat gethan. furcht er ſich vnd thut er in nit geleich. vnd iſßet nit auff den bergen vnd hebt nit auf ſeyn augen zuͦ den abtgoͤttern des hauß iſrahel Vnd vermayliget nit das weib ſeines nehſten. vnd betruͦbet nit den man. vnnd helt nit das pfand vnd nimbt nit den raub. vnd gibt ſein brot den hungrigen. vnnd bedecket den nackenden mit dem ge wande. vnd abkert ſein hand vonn dem vngerechten des armen. vnnd nimbt nit den wucher vnd dye uͤber fluſſigkeit vnnd thut meyne vrteyl vnd geet in meinen gebotten Diſer wirt nit ſterben in der miſſetat ſeynes vaters Aber er wirt leben des le bens. Wann ſein vater der do hat zwangkſal gethan vnd thet den gewalt dem bruder vnnd hat gewurcket das uͤbel in mitt ſeynes volcks ſehet er iſt tod in ſeiner miſſetat. Vn̄ ir ſprecht. Warumb tregt der ſun nit die miſſetat des vatters Das iſt wann der ſun hat gewircket das vrteyl vnd die gerechtigkeit. vnnd hat behuͤt alle meine gebot. vnd hat ſie gethan. er wirt leben des lebens Dy ſel die do ſundet ſie wirt ſterben Der ſun wirt nit tragen die miſſetat des vaters. vnd der vater wirt nit tragē die miſſetat des ſuns Die gerechtig keyt des gerechten wirt auff in/ vnd die vngütigkeit des vngütigē wirt auff in. Ob aber der vnguͤtig buͦß wuͤrcket. von allen ſeynē ſuuden dy er hat gewurckt vnd behuͤt alle mei ne gebot. vnd thut das vrteyl. vnd das recht. er lebt des lebens vnd ſtirber nit. Aller ſeyner miſſetat. die er hat gewuͤrcket gedenck ich nit Erle bet in ſeiner gerechtigkeit die er hat gewurcket Iſt es denn meines willen. der tod des vnguͤtigen Spricht der herre got. vnd das er nit werd bekeret von ſeinen wegen/ vnnd lebe Wan̄ ob ſich der gerecht abkeret vō ſeyner gerechtigkeit. vnnd thut dye miſſetat nach allen verbannēſchaften. Die der vnguͦtig gewon iſt zewurckē. lebt er den allerſeiner gerechtikeit. die er hat gethan. werdē nit ge dacht In ſeinem uͤbergang in dem er iſt übergangen. vn̄ in ſeiner ſund die er hat geſuͤndet inn den ſtirbt er. Vnnd ir ſpracht. Der weg des herren iſt nit geleich Darumb hauß iſrahel hoͤr Iſt denn mein weg nit geleych oder recht. vn̄ ſein nit mer ewer weg boͤß Wann ſo ſich der gerecht abkeret von ſeiner gerechtigkeyt. vnnd thut die boßheit er ſtirbt inn in. Er witt ſterben in der vngerechtigkeyt die er hat gewuͤrcket. Vnd ſo ſie der vnguͦtig abkert vō ſeiner vngütigkeyt die er hat gewuͤrcket. vnd thut das vrteyl. vnd das recht. er wirdt lebendig machen ſein ſel. Wann er merckt. vnnd abkert ſich von allen ſeinen miſſetaten die er hat gewuͤrcket. er lebt des lebens vnd ſtirbt nit Vnnd die ſün iſrahel ſprechen. Der weg des herren iſt nit geleich Hauß iſrahel ſeind mein weg nit geleych. vnnd ewer weg ſeynd nitt mer boͤß.
zum Hauptmenü