Ezechielis Die Veiſſagung Darumb das ir habt gedacht euwer boßheyt vnnd habt eroͤffent ewer boßheyt. vnd ewer ſund erſchynen in allen ewern gedancken Ich ſprich dar umb das ir habt gedacht werdet ir gefangen mit der handt Wann du vnguͤtiger ſchnoͤder fuͤrer iſrahel des tag iſt kummen in der vorgeordenten zeyt der boßheit. diſe dinng ſpricht der herre got Nim ab die hau ben nimhin die kron Iſt diſe den̄ nit die do erhub den demuͤtigen. vnd de muͤtiget den hohfertigen Ich ſetz ſie die boßheyt. die boßheyt. die boßheyt Vnnd ditz iſt nit gethan biß das er koͤm. des das vrteyl iſt vnd ich antwurt im Vnd du ſun des menſchen weyſſag vnnd ſprich Diſe ding ſpricht der herre got zuͦ dē ſunē ammon vnd zuͦ irem laſter vnd ſprich Waffen waffen zeuh dich auß zuͦ erſchlahen ſchwertfeg dich. das du erſchlaheſt. vnd leuchteſt ſo dir werden geſe hen die uͤppigen ding vnnd werden gewarſaget die luge. das du werdeſt gegeben uͤber die helß der boͤſen verwunten der vorgeordent tag wirt kummen in der zeyt der boͤßheyt Rer wider in dein ſcheid an die ſtat ann der du biſt gemachet. Ich vrteyle dich in dem land deiner geburt. vnd ich geuß auß mein vnwirdigkeyt uͤber dich. vnnd in dem fewer meines grymmen. wird ich blaſen in dir vn̄ gib dich in die handt der vnweyſen leut. vnnd der die do ſchmyden den tod Du wirſt eyn ſpeyß dem fewer. Dein blut wirt in mitt der erde. du wirſt geatwurt der vergeſſung wan̄ ich der herre hab es geredt. Das IIII. Capitel Von der boßheyt vnd ſund des iudiſchē volcks. vnder der beyrede vil metals das geſchmultzen vnnd pur girt wurd/ vnd vō manigerley boß heyt vnnd uͤbels geyſtlichs vnd welt. lichs ſtands. d das wort des herren iſt gethan zuͦ mir ſagend. Vnd du ſun des menſchen. vrteylſt du denn nit die ſtat der ſunden. vnnd zeygeſt ir alle ire verfluchte werck Vnd ſprichſt Diſe ding ſpricht der herre gott die ſtatt iſt vergieſſend das blut in irer mitte. das ir zeyt kumm das ſye wuͤrde vermeyliget wider ſich ſelb. vnd die abtgotter die ſie hat gemachet Du haſt geſundet in deinē blut das do iſt vergoſſen von dir. vnnd du biſt vermeiliget in denen abtgoͤt tern die du dir haſt gemacht Vnnd haſt heyſſen zuͦnahnen den tag. vnd haſt zuͦgefuͤrt diezeyt deiner iar Dar umb gab ich dich zuͦ eym laſter den leüten/ vnd zuͦ einez ſpot allen landen. die do ſeind nahent vnd die do ſeind verr von dir Du vnſaubre ede le. groß in der verderbung. ſie angeſigen von dir Sih. all fuͤrſten iſrahel werden zuͦuergieſſen das blut in dir in irezarm ſie haben gepeiniget in dir den vater/ vnd die muter. mit laſter Sye beleydigten den frembden in deiner mitt. ſie betruͤbten den wayſen vnnd die witwen bey dir. ir habtt verſchmehet meyne heylige ding vnnd habt vermeyliget meyn ſabbath Eerabſchneydent man̄ waren in dir zuͦuergieſſen das blut. vn̄ ſie aſſen auff den bergen in dir. ſye haben gewurcket die todſunde inn deyner mitte. Sie haben emploͤſſet
zum Hauptmenü