Ezechielis Die Veiſſagung Werdet bekeret von ewern boͤſten wegen vn̄ ir hauß iſrahel. warumb ſterbt ir. Du ſun des menſchē ſprich alſo zuͦ den ſuͤnen deines volcks Die gerechtigkeit des gerechten erloͤßt in nit. an wellichem tag er ſuͤndet. vn̄ die vnguͤtigkeit des vngütigē ſchadet im nit. an welliches tag wirt er bekeret von ſeiner vngütigkeit Vn̄ der gerecht mag nitt leben in ſeyner gerechtigkeyt. an welchez tag er ſuͤn det. Auch ob ich ſprich zuͦ dem gerechten. das er lebe des lebens. verſiht er ſich an ſein gerechtigkeyt. vn̄ tuͦt die miſſetat. alle ſein gerechtigkeyt werden geantwurt der vergeſſunge vnd in ſeiner miſſetat. die er hat gewuͤrcket ſtirbet er Aber ob ich ſprich zuͦ dem vngütigen du ſtyrbeſt des tods vn̄ er thuͦt buͦß von ſeiner ſün de. vnd er thuͦt die gerechtigkeit vn̄ das vrteyl. vnd gibt wider dz pfād vnd widergybt den raub geet er in den gebotten des lebens. noch thuͦt nichts vngerechtes. er lebt des lebēs vnd ſtirbt nit. Alle ſein ſünd. die er hat geſündet. werden im nit geachtet. Thuͦt er das vrteyl vnd bye ge rechtigkeit. er lebt des lebens. Vnd die ſuͤn deins volckes ſprachen. Der weg des herren iſt nitt geleycher gewichte. Vnnd ir weg iſt vngerecht. Wann ſo ſich der gerecht ſcheydet von ſeiner gerechtigkeit. vnnd thuͦt die boßheit. er ſtirbt in in. Vnnd ſo ſich der boͤß ſcheydet von ſeiner vn guͤtigkeit. vnd thuͦt das vrteyl. vn̄ dye gerechtigkeit er lebt in in. Vnd ir ſprecht. Der weg des herren iſt nit gerecht. O hawß iſrahel. ich vrteyl von euch einen ieglichen nach ſeinē wegen. Vnd es ward gethan in dē zwoͤlfften iar in dē zehenden moned an dez fuͤnfften tag des moneds vn̄ ſer uͤbergeeung. der do was geflohē von iheruſalem der kam zuͦ mir ſagend. Die ſtat iſt verwuͤſt. Aber die hand des herrē ward gethan zuͦ mir an dem abent ee das der kam. der do was ge flohen. vnnd er tet auff mei nen mund. biß dz er fruͤ kam zuͦ mir vnnd do er het auffgethan meynen mund ach ſchwig nit füranhin. vn̄ dz wort des herren iſt gethan zuͦ mir ſagend. Sun des menſchen. dye do wonen in den velligen erdē auff dez land iſrahel die reden vnd ſprechen Abrahā wz einer. vn̄ beſaß dz land mit dē erb. aber vnſer ſeind vil. vn̄ das land iſt vns gegeben zuͦ eyner beſitzung Darumb ſprich zuͦ in di ſe ding ſprichet der herre gott. die ir eſſet in dem bluͦt. vnd hebt auff ewe re augen zuͦ eweren vnreynigkeyten vnd vergieſſet das bluͦt Beſitzet ir denn das land mit dem erb Ir ſtuͦn den in ewern waffen. ir tetet die ver bannen werck. vn̄ ein yeglicher ver meyliget das weyb ſeines nehſten. vn̄ ir werdet beſitzen das land mit dem erb Diſe ding ſprich zuͦ in Alſo ſpricht der herre got Ich leb. wann die do wonen in den velligen erden dye vallen in dem waffen. vnd der do iſt an dem acker. der wirdt geant wurt den tyeren zuͦuerwuͤſten. aber dye do ſeindtin den hilffen. vnd in den gruben. die ſterber des ſchelms Vnd ich gib das land in ein einoͤd vnd in ein wüſte. vnd die hohfart vnd ſein ſterck gebriſtet. vn̄ die berg iſrahel werden verwüſtet. alſo dz d̓ nit ſey der do gee durch ſye Vnd ſye werden wiſſen das ich bin der herr
zum Hauptmenü