Des prophetē Cl VI ſo das wort des herren ward gethan zuͦ mir ſagend. Sun des menſchē. ſetz dein antlytz zuͦ dē berg ſeyr. vnd weyſſag zuͦ im. vnd ſprich zuͦ im Diſe ding ſpricht der herr got O berg ſeyr. ſih. ich zuͦ dir. vnd ſtreck mein hand uͤber dich. vnnd gib dich verlaſſen vnnd wuͤſt. Ich zerbrich dein ſtet. vnd du wirdeſt wüſt. vnd wirſt wiſſen das ich bin der herr dar d. umb dz du wareſt ein ewiger veind vnnd beſchleuſſeſt die ſün iſrahel in die hand des waffens in der zyt irer zwangkſal in der zyt der groͤſtē boß heyt Darumb ich leb ſpricht der her re got. wann ich antwurt dich dem bluͦt. vn̄ das bluͦt wirdt dich durch­echten. vn̄ ſo du haſſeſt das bluͦt. dz bluͦt wirdt dich durchechten Vn̄ ich gib den berge ſeyr verlaſſen vn̄ wü ſte vnd nimab von im den hingeen den vnd den widerkerenden. vnnd ich erfüll ſein berg mit dez aſſe ſeiner er ſchlagnen Die erſchlagnen werden vallen vō dem ſchwert in deinē bü­heln vnd in deinen tallen vn̄ in den bechen. Vn̄ ich antwurt dich in die ewigen eynoͤde. vn̄ dein ſtet werden nit eingewonet Vnnd ir werdet wiſ­ſen das ich bin der herre got Darūb das ir ſprecht. zwey geſchlecht. vnnd zwey land werden mein vnd ich be ſitz ſie zuͦ einem erbe. do der herre do was Darumb ich leb ſpricht der her re got. wann ich thuͦ nach deinē zorn vnnd nach deim neyde den du teteſt do du ſie hetteſt in haſſz. vn̄ ich wird offen durch ſie. ſo ich dich vrteyl. vn̄ du wirdeſt wiſſen dz ich der herr hab gehoͤrt deyne laſter. dye du haſt ge­redt von den bergen iſrahel ſagend Vns ſeind gegeben die wuͤſten zuͦ­verwuͤſten Vn̄ ir ſtuͦnden auff mit ewerm mund über mich. vnd krieg tet wider mich. Ich hort ewer wort Diſe ding ſpricht der herr gott Alle erd frewe dich. ich kere dich in die ein oͤd. als du biſt erfrewt über dz hauß iſrahel. darumb das es was verwu­ſtet alſo thuͦ ich dir Du berg ſeyr du wirſt verwüſtet. vnd alles ydumea vnnd ſie werden wiſſen. das ich bin der herre Das.VII. capl. Wie der prophet ſagt von der zer­ſtoͤrung der widerwertigen des iü­diſchen volcks. vnd von der genad vnnd krafft des tauffs der kuͦnfftig was Ber du ſun des menſchen weyſſag uͤber die berg Iſrahel. vn̄ ſprich zuͦ in. Ir berg iſrahel hoͤ­ret das wort des herren Diſe dinng ſpricht der herre got Darumb dz der veind ſprach von euch. frewet euch. vns ſeind gegebē die hoͤh ewigklich zuͦ eim erb. darumb weyſſag vnnd ſprich Diſe ding ſpricht der herr got darumb das ir ſeyt verwüſtet vnnd vertretten durch den vmbkreyß vn̄ ſeyt gemachet zuͦ einem erb andern leuten. vn̄ ſeyt auffgeſtigen uͤber dē lebſen der zungen. vn̄ zuͦ einē laſter des volcks. darumb ir berg iſrahel. hoͤret dz wort des herren gots Diſe ding ſpricht der herr dē bergen. vnd den buheln. den bechen vnnd den ta len. vn̄ den vellen der wende. in den wuͤſten vn̄ den gelaſſen ſtetten. die do ſind verwuͤſtet vnd ver vnwirdi get von den andern voͤlckern durch y j