Ezechielis Die Veiſſagung wirt in meinem grymmē/ vnd groß ſteyn in dem zoren zuͦ der vollendung Vnd ich zerbrich die wand dy ir habt beſtrichen/ on die vermiſchung vnnd ich geleich ſie der erden vn̄ ir gruntueſt wirt eroffent. vnnd ſie wirt fallen. vnnd wirdt verzeret in irer mitte. vnd ir werdet wiſſen das ich bin der herr. vnnd ich erfuͤl mein vnwirdigkeit an der wand. vnd in den die ſie beſtreichen on die anberei tung. vnd ich ſag euch die wand iſt nit. vnd die weiſſagūg iſrahel ſeind nit. die ſie beſtreichen. die do weyſſagen zuͦ iheruſalem. vnd ſeht ir die ge ſiht des frydes. vnnd es iſt nit fryde ſpricht der herr got Vnnd du ſun des menſchen ſetze dein antlitz über die tochter deins volcks. die do weiſſagen von iren hertzē. weyſſag. weiſ ſag über ſie. vnd ſprich Diſe ding ſp richt der herr got Wee. die do zuſamen neen die linden oder poͤlſterlein vnder eim iegklichen elnbogen der hand vnd machen die haubt poͤlſter lein vnder dem haubt eins yegklich en alters zefahen die ſelen Vnd ſo ſy vahen die ſelen meines volcks. Sye machen lebendig ir ſelen vnd vermaligten mich zuͦ meim volck vmb ein handuol gerſten. vnd vmb eyn ſtuͦck brottes das ſie erſchlahen dye ſelen. die do nit ſterben/ vnd machtē lebend ir ſelen die do nit lebend. lie/ gend meinem volck zegelauben den luͦgen Darumb diſe ding ſpricht der herr got Seht ich fuͤr zuͦ ewren poͤlſterlein mit dē ir vahet dy fliegendē ſellē vn̄ ich zerreyß ſie vō ewren armē Vnd ich laß die ſelen die ir vaht. die ſelen zefliegen. Vnnd zerbrich ewer haubpoͤlſterlein. vnnd erloͤß meyn volck vonn ewrer hand. ſie werden nit fuͤrbas zeberauben in ewren hen den vnd ir werdet wißen das ich bin der herre Darūb das ir luͦglich habt gemacht zetrawrē das hertz des gerechten denn ich nit hab betrübet. vn̄ ir habt geſterckt die hend des vnguͦ tigē. dz er nit wuͤrdbekert vō ſeim boͤ ſen weg vnd lebet. Darumb ſeht ir nit die eyteln ding vnd fuͤrbas weyſagen nit die weyſſagungen. vn̄ ich erloͤß mein volck vonn ewrer hand vnd ir weedet wiſſen das ich bin der herre. Das XIIIIIIIII. capitel Wie got durch ezechielem die vnrey nigkeit des hertzen des volcks becla get. vnd ſie darumb bedroet wurdē. Ho die mann. der alten iſrahel. kamē zuͦ mir. vnd ſaſſen vor mir. Vnd das wort desherren iſt gethan zuͦ mir. ſagend. Sun des menſchen diſe mann haben geſetzt ir vnreinig keit in irem hertzen. vnnd haben geſtellet die ſchand der boßheit wyder ir antlitz So ich wurd gefragt Ant wurt ich denn nit Vmb ditz ding re de mit in. Vnnd ſprich zuͦ in Dieſe ding ſpricht der herr got Der menſch der menſch von dem hauß iſrahel d̓ do hat geſetzt ſein vnreinigkeit inn ſeinem hertzen vnd ſtellet die ſchād ſeiner miſſetat wider ſein antlitz kumet er zuͦ dem weiſſagen vnd fraget mich durch in. ich der herr ich antwurt im. dz dz hauß iſrael wirt gefā gē in ſeym hertzē in dē ſie ſich ſchiedē
zum Hauptmenü