Des Propheten CI.VII. ſchung. vnd gedach der tag irer iu­gent. in dem ſie het geunkeuſchet in dem land egipti vnnd ſie vnſinnet mit dem geluſt überir vnkeuſch. der fleyſch ſeynd als die fleyſch der eſel. vnd ir fluß/ als der fluß der roſſe Vn̄ du haſt heymgeſuchet die ſund dey­ner iugent. do dein bruſt waren vn der der tatte in egipto vnd die bruſt diner iugent werden zerbrochē dar­umb ooliba diſe ding ſpricht der her re got Sih ich wil erkucken all dein liebhaber wider dich von dē deyn ſel iſt geſatt. vnnd ich ſamel ſie wider dich inn dem vmbkreyß. die ſuͤn der babilonier vnnd alle edeln chalde­er. vnnd die lantgrafen vnd die fuͤr­ſten vnnd alle ſuͤn der aſſirier. vnd dye iuͤngling außgeleßner geſtalt. vnd die fuͤrer der meyſterſchaft vnd alle fuͤrſten der foͤrſten vnnd die be­nanten auffſteyger der roſſz Vnnd die menige der voͤlcker kumen über diſt vnnd die vnderwyſen inn dem wagen vnnd in dem rad Sye wer­den gewappent mit dem pantzer vn̄ mit dem ſchilt vnnd mit dem helm allenthalben wider dich Vnnd ich gib das vrteyl vor in. vnnd ſie vr­teylen dich in iren vrteylen. Vnnd ich ſetz meinen neyd in dir. den ſye uͤben mit dir in dem grymmigen zo ren Sie ſchneyden ab dein naſſen vn̄ deine orn vnnd die do beleyben. dye erſchlahen ſie mit dem waffen. Sye vahen dein ſün vnnd deine toͤchter. vnnd deinen ingſten verwiſt das fewer vnnd ſie emploͤſſen dich dey­nes gewandes. Vnnd ſie nemmen hin dye vaß deiner glori. Vnnd ich mach ruen dein todſunde vonn dir vnnd deyn gemeyn vnkeuſch vō dē land egipti. Du hebeſt nit auff dey­ne augen zuͦ in vnd gedenckeſt fuͤr­bas nit egipti. darumb dieſe dinng ſpricht der herre gott Sih. ich ant­wurt dich in die hend. der. die du haſ ſeſt. inn die hende. von den deyn ſel iſt geſattet vnnd ſie thun mit dir in dem neyd vnnd nemen hin all dein arbeyt vnd laſſen dich nackent vnd vol ſcham vnnd dye ſcham deyner gemeynen vnkeuſchungen wirt er­offent Deyn ſund vnnd dein vnkeu ſchungen habē dir gethan diſe ding Wann du haſt gemeynſamet nach den heyden vnnd biſt vnder in ver­meliget in iren abgoͤttern. Du biſt gegangen inn dem weg deiner ſch­weſter vnd ich gib iren kelch in dein hand Diſe ding ſpricht der herre got Du trinckeſt den kelch deiner ſchwe­ſter. du wirſt zuͦ eim geſpoͤt. weyt vn̄ breyt vnd ein verſpottūg die du biſt die begreyffliche iſt mit truncken. heyt. vnnd wirſt erfuͤllt mit ſchmer tzen vnnd mit dem kelich des ſchre­ckens vnnd der traurigkeit mit dem kelch ſamarie deiner ſchweſter. Vnd trinckeſt in auß vntz zuͦ den heffen. vnnd wirſt freſſen ſeine ſtuck vnnd zerreyſſeſt deine brüſte. wan̄ ich hab es geredt ſpricht der herre gott. Dar­umb diſe ding ſpricht der herre gott Das du mein haſt vergeſſen vnnd haſt mich verworffen hinder deinen leib So trag du dein ſund vnd dey­ne vnkeuſchung Vnnd der herr ſp­rach zuͦ mir ſagend du ſun des men­ſchen vrteyleſt du denn nit oollam vnd oolibaz vnnd verkündeſt in ir ſunde. wan̄ ſie haben geebrechet vn̄ die ſund iſt in irē hendē vndſie habē geme inſammet mit irē abtgoͤttern Vn̄ hier uͤber ir ſun dye ſie mir ge­barn habē ſy ingeopfert zuͦuerwuͤſtē