Ezechielis Die Veiſſagung Vnnd ich wil ſtercken die arme des künigs der babilonier. vnd die arm pharaonis vallen Vnd ſie werden wiſſen dz ich bin der herr. ſo ich gib mein waffen in die hand des kuͤn­ges der babilonier. vnd ſie werden es ſtercken uͤber das land egipti Vn̄ ich wird zerſtrewen egiptum in dye geſchlecht. vnd ich wird ſie ſtrewen in die erde. vnd ſie werden wiſſen dz ich bin der herre. Das XI. Capit Wie der herre durch den propheten wider pharaonem der in die hend. Nabuchodonoſor geantwurt ſollt werden. redet in der beyreyd eynes pawms. ſo es geſcha inn dem eyl ſten iar inn dem dritten moned. ann eim tag des moneds das wort des herren ward gethan zuͦ mir ſagend Sun des menſchen ſprich zuͦ pha­rao dem künig egipti. vnd ſeynem volck. Wem biſtu geleich worden in deiner groͤſſe. Sih aſſur iſt als ein ceder an dē liban ſchoͤner eſſte. vnd wall dig in dem gruͤnen vnnd hoh in der hoͤh vn̄ ſein hoͤh iſt erhabē vn̄ der die dikē zweyg Die waſſer erner tē in der abtgrūt erhoͤht in ſein fluß fluſſen in dem vmbgank ſeiner wur tzeln. vnd er ließ auß ſein bech zuͦ al len hoͤltzern der gegent Darūb ſeyn hoͤh iſt erhoͤhet uͤber alle hoͤltzer der gegent. vnd ſein ſchußling ſeind ge manigualtiget. vnd ſein eſſte ſeind erhaben vor manigē waſſern. Vnd do er het geſtreckt ſeinen ſchatten al le vogel des hymels machtē die ne­ſter vnder ſeinen eſten. vnd all tyer der wel de gebarē vnder ſeinen zwy gen. vnd die ſchare vil heyden wo­net vnder ſeim ſchatten Vnd er wz gar ſchoͤn in ſein er groͤſſe. vn̄ in der weitterung ſeiner ſchußling Wann ſein wurtzel wz bey vil waſſern Dy ceder warn nit hoͤher denn der in dē paradyß gots Vnnd die tannē gelei chtē ſich nit ſeiner hoͤh vn̄ die ahorn waren nit geleich ſeinen zweigē Ein yegklich holtz des paradyß gots iſt nit zuͦgeleichet im vnd ſeiner ſchoͤn wann ich macht in ſchoͤn. vnnd in manigen dicken eſten Vnd alle hoͤl tzer der wolluſtigkeit. die da waren in dem paradyß gots. hetten in lieb Darumb diſe ding ſpricht der herre got Darumb das er iſt hoh inn der hoͤh. vnd gab ſein hoͤh grünend vn̄ dick. vnnd ſein hertz iſt erhaben inn ſeiner hoͤh. nun habe ich ſie geant­wurt in die hend der ſterckiſten leut Thund thut er ir. nach ſeiner vngu tigkeit Vnd ich warff ſie auß. vnd die frembden. vnd die frayßlichſten der geſchlecht hawen ſie ab. Vnnd verwerffen in auff die berge. vnnd ſein eſſte vallen in allen talen Vnd ſeyn ſchußling werden zerbrochē an den ſteynen aller erd. vnd alle voͤl­cker der erden ſcheyden ſich von ſey nem ſchatten. vnd laſſen in. In ſey nem vall wonten all vogel des hy mels. vnd alle tyer der gegent ware vnder ſeynen eſſten Darumb wer­den nil aufferhaben alle holtzer der waſſer in ſeiner hoh noch ſetzen ſeyn hoͤh vnder die weldigen ding. vnd vnder die reyſſigen. Vnd alle ding die do werden feucht mit waſſer. die ſteen nit in irer hoͤh. vann all ſeind ſie geantwurt in den tod zuͦ dem le­tzten land in mitt der ſun der men­