Des propheten C IIIIIII lchen. den die die da abſteygen in den ſee. Diſe ding ſpricht der herre gott. Ich furt ein die clag an dem tag do er abſtyg zuͦ der hell. ich bedecket in mit dem abgrunt. vnnd ich weret ſein fluß vnd zwang manig waſſer. Der liban iſt betrubt uͤber in. vnnd all hoͤltzer der gegent ſein zuͦ ſamen geſchlagen. Er beweget die voͤlcker von dem don ſeines vals. do ich in einfurt zuͦ der hell mit den die abſtei gen in den ſee. Vnnd alle außerleſen hoͤltzer des wolluſts. vnd die ſchoͤnē an dem liban. vnd alle ding die da wurden gefeucht mitwaſſer dy ſeind getroͤſteet in der niderſten. Wann auch ſie ſteygen ab mit im in die hel le zuͦ den erſchlagnen mit dem waſ fen. vnnd der arme eines yegklichen wirt ſitzen vnder ſeinem ſchatten in mitt der geſchlecht. O du edeller vnd du hoher. wem biſt du geleich vnder den hoͤltzern des wolluſts. Sih du biſt abgeſuret mit den hoͤltzern der wolluſten zuͦ der letzſten erde. Du ſtirbſt in mitt der vnbeſchnittē mit den die do ſeind erſchlagen mit dem ſchwert. Alſo iſt pharao. vnnd alle ſein menig ſpricht der herre got. Das XIIIIII Capit Wie der prophet claget pharaonem darumb das er nabuchodonoſor vberantwurtet. vnd von im getoͤdtet werden ſolt. vnnd wie die ryſen. beſchriebē werdē durch die mewſe. mit den er in die hell geſtigen iſt. Vnd es ward gethan in dem zwelfften iar in dem zwelfften mo ned ann eim tag des moneds. das wort des herrē ward gethan zuͦ mir ſagend. Sun des menſchen. nim dy clag vber pharaonez den kunig egipti. vnd ſprech zuͦ im Du biſt geleich dem lewen der heyden. vnd den tracken der do iſt in dem meer. Vnd du zerſtrewteſt den gewalt in deynē fluſſen. vnnd betrubteſt die waſſer mit den fuſſen. vnd zertrateſt ir fluß Darumb diſe ding ſpricht der herre Ich ſpann auf mein netz über dich in der menig maniger volcker. vnd ich zeuh dich auß in meiner ſege. vn̄ wirff dich auß an die erde. Ich verwurff dich auff das antlitz des ackers. vnnd ich will machen das auff dir wonen alle vogel des hyemels. vnnd will erſatten von dir alle tyer der erden Vnnd ich gib deyn fleyſch auff die berge. vnd ich ful deine buhei mit dein em vnflat Vnnd feucht das land mit dem geſtanck deynes bluts hieruber werden erfult die ber ge vnnd die buhel von dir. Vnnd ich bedeck ſo du außgeleſchet wirſt. die hymel. vn̄ ich mach das ſchwartz werden ſein ſtern Ich bedeck die ſun nen mit der wolcken. vnd der mon gibt nit ſein liecht. Vnnd ich mach trawren vber dich alle liecht des hymels. vnnd gib die vinſternuß auff die erd ſpricht der herre gott So die verwundten vallen in mitt der erde ſpricht der herre gott. Vnnd ich wil erfeuchten das hertz maniger volcker ſo ich einfur die trawrigkeit vnder den leuten vber die land dye du nit weyſt. vnnd ich mach erſchreckenn. manige volcker vber dich. Vnnd ire kunige werden ſich
zum Hauptmenü