Ezechielis Die Veiſſagung ſurchtē vber dich mit groſſer vorcht vmb deine miſſetat. die du haſt ge­wuͤrckt. ſo mein waffen anfahet ze­fliehen vber ir antlitz vnnd all erſch recken ſie gehling vmb ir ſeel an dez tag ires vals. wann diſe ding ſpri­cht der herre gott. Das ſchwert des kunigs der babilonier kumbt dir vn̄ ich wird abwerffen dein menig inn dem waffen der ſtarcken. Alle dyſe heyden ſeynd vnerſtreytlich. Vnnd ſie verwuſtendt die hohfart egipti. vnnd ſein menig wirt verwuſt Vn̄ ich wil verlieren alle ſein vih. die da waren vber manig waſſer. vnd der fuß des menſchen betrubet ſie nicht furanhin. nach die klaw der vih be­trubt ſie Den̄ vidergib ich ir lauter ſte waſſer. vnnd zufur ire fluß. als das oͤll ſpricht der herre gott. So ich gib das lannd egipti wuſt. wann das land wirt gelaſſen vonn ſeiner erfullunnge. ſo ich ſchlah alle ſeyn inwoner. vnnd ſie werden wiſſen. das ich bin der herre Es iſt ein klag vnnd die toͤchter der heyden. klagen in. ſie klagen in vber egiptum vnnd vber ſeyne menig. ſpricht der herre gott. Vnnd es ward gethan in dez zwelfften iar. an dem funfftzehenden tag des mondes. das wort des her­ren ward gethan zuͦ mir ſagēd Sun des menſchen ſing ein kleglich ge­ſang. vber die menig egipti. Vnnd zeuh ſie ab. ſie vnnd die toͤchter der ſterckiſten leut zuͦ dem letzſten lande mit den die abſtyegen in den ſee Wie das du biſt ſchoͤner ſteyg ab. vnnd ſchlaf mit den vnbeſchnitten. Sie vallen in dem waffen in mitt der er­ſchlagen Das waffen iſt gegebē Sie zuͦzugen ſie. vnd alles ir volck Die gewaltigſten der ſtarcken redten zuͦ ir von der mitt der hell. do ſie abſty gen mit iren helfern. vnnd ſturben mit den vnbeſchnitten. vnd wurdē erſchlagen mit dem waffen Do iſt aſ ſur vnnd all ſein menig in irem vmb gangk. ire grab vnd alle erſchlagen die do vielen in dem waffen. der gra be ſeind gegeben in den letzſten ding en des ſees Vnd all ir menig die do iſt erſchlagen. vnnd vil in dem waſ fen. iſt wordē durch den vmbſchweif ires grabs. die do etwan gaben ir ſte rck in ir erde der lebendigen. Do iſt elam vnd ſein alle menig durch dē vmbgangk ires grabs. Alle diſe er­ſchlagen. vnd die vnbeſchnitten die do vielen in dem waffen. dye do ab ſtygen zu der letzten erde Die do ſatz ten ir ſchrecken in dem land der lebē­digen. vnd ſie trugen ir laſter mit dē die abſteygen in dem ſee Sie ſatzten ir ru in allen iren voͤlckern inn mitt der erſchlagen. in irē vmbgang ſein grab All diß vnbeſchnitten. vnnd erſchlagen mit dem waffen Wann ſie gabē die ſchreckē in dē land d̓ lebē dige. vn̄ trugē ir laſter mit dē abſtey ge in den ſee. ſie ſeind geſetzt in mitt der erſchlagnen Do ſein moſoch vn̄ tubal vn̄ all ir menig in ir vmbgāg ire grabe. Alle diſe ſeind vnbeſchnit ten. vnd erſchlagen vnnd vielen in dem waffen. wann ſie gaben iren ſch rec. en in der erde der lebendigen. vn̄ nun ſterben ſie mit dem ſtarcken vn mit den vallenden. auch mit dē vn̄ beſchnitten die da abſteigen mit ire waffen in die helle. Vnnd ſie legten ire waffen vnder ire haubt. vnnd ir miſſetat waren in iren beynen. wann ſie ſeind worden ein vorcht der ſtar­cken inn der erde der lebendigen. Vnnd darumb wirſt du zekniſchet