........................ Das ist mir harte swaere. Din viber muot ist gros an mir. Des han ich ser engolten. Rich ich minen neuen an dir. Des bin ich onbescholten. Ich sag dir iunger degen eben. Und gib dirs mine truͥwe. Es kostot dich din leben. IV. Her dietrich sprach zuo dem kuenen man. Helt du solt mich riten lan. Des hast eht iemer ere. Fund ich dich slaffend aelle tag. Das wort ich dir benamen sag. Ich gewakt dich niemermere. Das du min vigent wollest sin. Das wis ich nicht ze waere. Nu sprichest du hast gehuetet min. Vil dik in disem iare. Strites solt du mich erlan. Do sprach der rise kuene. Zwar das mag niht ergan. V. Die stang er do ze handen nam. Vnd sluog den wnder kuenen man. Den edeln vogt von berne. Ain also crefteclichen slak. Das er da vor im nider lak. Das mugt ir hoeren gerne. Wie dem helde da gelank. Dem kuenen bernere.
zum Hauptmenü