"Mit stahel wol bewnden. Selb hat eines lovwen muot. Wan da zen selben stunden. Sin schilt was lank vnd dar zuo brait. Ain swert wuort er an der siten. Das mengen helt uersnait. XIII. Als maister hiltebrant gesach. Sins herren ors gebunden sach. An ainen bom allaine. Vnd ovwe sprach der kuene man. Das ich das leben ie gewan. Er begunde sere wainen. Ich waen min her der sig tot. Der edel bernaere. Des muos ich liden grosse not. Ich geriche mine swaere. Also sprach maister hiltebrant. Han ich uerlorn den herren. So rum ich ovch div lant. XIV. Enmittent lief der rise zuo. Das was der ander morgen fruo. Mit ainer stahel stange. Die was sich harte wol geworcht. Si truok der rise unerforht. Wol drier klafter lengi. Si was von fieren eggen gros. Vnd sinwel da zer hende. Von des valendes genos. Nam menik man sin ende. "Kains wafens er do mere phlag.
zum Hauptmenü