Ein Seufftzer war der Schluß. Der greiſſe Vatter ſtund/Vnd wolt Ihm noch zu letzt den Lebens⸗Segen geben.Vnd alß ſein Leben weicht/ die Ihn noch halten kunt/So weichet auch von Ihm ſein annoch junges Leben.Wer koͤnt hier Wort genug/ die milden Threnen⸗Guͤß/Vnd vieler Seufftzer meng recht außzudrucken finden ꝛDie Zeit/ der Truͤbſal Artzt/ die konte kaum den Riß/Den noch vor kurtzer Zeit diß Hauß gefuͤhlt/ verbinden.Felt wird durch newes Leid die alte Wund erfriſcht/Doch wird es ihr auch nicht an Artzeneyen fehlen.Den Troſt/ der von dem Aug die heiſſe Threnen wiſcht/Weiß jedes vor ſich ſelbſt auß Gottes Wort zu wehlen.Wir aber/ die mit Dir der Freundſchafft Band vereint/O Seelger Mitgenoß/ nach dem zu vnſern OhrenDein fruͤhes ſterben trang/ wir haben zwar geweint/Doch mehr/ alß weinens werth an dir/ Freund/ verlohren.VBrr/ die uns ſchon bedacht auff ein gelehrtes Lied/Dein ehr/ und Hochzeit/Bett mit ſolchem zu verehren;Veraͤndern/ Ach zu fruͤh! das fröͤliche Gemüth/Vndlaſſen jetz dafůr ein traurigs Grab⸗Lied hoͤren.Vie bald verkehret ſich der Erden eitle FreudẽAuff heute ſolte man Dich einen Doctor gruͤſſen:Nun ligt dein Leib bedeckt mit ſchwartzer dunckelheit:Die Seele kan vor GOr T deß ewgen Liechts genieſſen.Dir gutes goͤnnt/ der weinet nicht umbich/Dort konteſtu mehr Ehr/ alß auff der Welt erreichen.Dann deinem ſeelgen Geiſt/ der von der Erden wich/Kan fich fein Doctor hier/ noch Braͤutigam vergleichen.
