Seite
begirde vn̄ willen hette dz er ſyn lebē in d̓ wuͤſtin durch gottes willen v̓tryben wolte/ wer ouch yemā hie vmb ge ſeſſen der im dz almuͦſen gebē wolte durch gottes willē das er nit hungers verdurbe. Antwurt die frow vß got tes inſprechend ia ſicherlich her/ üwer heimlicheit ſol wol verſwigen ſyn/ Aber wiſſent ob ir in üwerm für nemen volſtrecken wellen/ wil ich üch durch gottes ere mitt teilē was üch not ſyn wurt/ dan̄ ich bin ein witwe/ vn̄ han we der man noch kinder/ vnd hat mir got vil guͦts verlyhē wa ich den prieſter wuſte der ſyn leben alſo wolt verſch­lieſſen/ dem wolt ich keinen gebreſten lon. Mit der rede ſeit er ir danck vnd ſchied von der frowen/ vnd kerte wi der in die zelle/ Als do er wider kam in das cloſter/ do was ſyn anfechtung vud begierde ſo groß wie er wider in die wuͤſtin kem/ das er gantz kein ruͦwe hette/ ſunder mit vaſten vnd ernſtlichem betten begert er von got dz was im in ſolchen dingen gefellig wer dar inn wolt er im ſyn gemuͤt ſtercken vnd in dē ſtritt/ ſo d̓ libe vnd der geiſt wid̓ ein and̓ hettēt. Do geſigte der geiſt/ vn̄ über kam ſich ſelber dz er durch gots willen geen wolt in die wuͤſtin/ vn̄ werte diſer krieg ein gātz ior/ vn̄ ſagēt die buͤ cher dz er vrlob nā vō ſynē abte/ vn̄ thete do ein abſcheid vō ſyner zelle vn̄ ſchuͦl vn̄ leite hin allzittliche ding/ vnd entpfalch ſich got dē almechtigē/ vn̄ kerte hin vō dē Clo ſter Seenaw zuͦ d̓ reinē frowen huß gen richliſwil/ vnd fande die frow geſunt/ vn̄ in allē dē willen als er ſy ge­laſſē hett. Vn̄ do er ir zuͦ erkēnē gab dz er d̓ priefler wer der durch gottes willen woͤllte gon in die wuͤſtin. Do ſprach ſy zuͦ im/ Lieher herr vn̄ myn kint/ ich fürcht übel ir ſint dē ruhen hertē vn̄ ſtrengē lebē vil ze iung/ wan̄ ſy wol ſach/ dz er ein mā was vmb.xxxiiij. ior and̓ geſtalt ſyner perſon vn̄ was gar lieblich vn̄ zart vff erzogen vō