vorbehaltenen ſtücken/ offene buͦß vff zuͦ ſetzen wer ir dieſelb in andere heylſame buͦß verwandelen on dhein ander vrlob dar vmb not zuͦ erforderēt/ frylich vnd zymlichmoͤgen vnd die ſelben üwer prieſter macht haben ſollē.Doch mit vor behaltung pferliche recht alzyt in allendingen vß ob gemelten babſtlichem gewalt von ſunderrylicher gnad gaben verluhen wir üch mit diſen briefēzuͦ ewigen zyten werend/ Dar vmb gantz dheinem mēſchen zym diß geſchrifft vnſer confirmacion beſtattungvnnd verlyhung zerbrechen oder deren vß freuelem gedurſt wider komen/ Dann ob yemans ſolchs zuͦ verſuͦche vnderſtund der ſol wiſſen ſich die vngenad des almechtigen gottes vnnd ſyner heyligen apoſtolen Petrivnnd pauli infallend werden. Geben zuͦ Rom by ſantpeter des iares der menſchwerdung vnſers herren Tuſent fierhundert ſechtzig vnd dry vff den erſten tag deshornungs vnſers babſtuͦms in ſechten iare.Von der Engel wyhe.Ius biſchoff ein knecht der diener gottes demlieben ſuͦn Geroldt abbt des cloſters der ſeligēiunckfrowen Marie zuͦ den eynſideln ordensſancti Benedicti Coſtantzer biſtuͦms heyl vndbabſtlichen ſegē/ über die hertſchar des herren/ ſo vnſerwachenden huͦt goͤtlich vertrut iſt vnnd vns oben abherverluhen iſt/ Sint wir gefliſſen zuͦ bruchen das ambteins für ſehers zuͦ denen dingē dar durch geſchefft werden moͤg heyl der ſelen/ da mit die ſelben dem herrengewunnen werden teylen wir vß empfellich die pflichtvnſers ampts/ Nuͦnlangeſt iſt an ſelliger gedechtnuß
