Seite
babſt Nicolaum den fünfften vnſern vorfaren/ von we gen wyland Albrechts eins hertzogen von oͤſterrich ge­langt wie ettwann durch milter gedechtnuß baſt Euge­nium den fierden ouch vnſern vorfaren/ nach dem er verſtund das zuͦ der Cappellen vnſer liebe frawen zuͦ den Eynſideln Coſtantzer biſtums vnnd der kylchen dyns cloſters ſant Benedicten ordēs an dem ſelbē end durch mancherley ſo aldo der allmechtig/ als miltlich zuͦ glauben iſt/ vß verdienſt der hochgelobten iunckfro­wen wunderwerck gerücht zuͦ würcken/ vnd zuͦ erfolgūg gnad vnnd abloß irer ſünd/ durch ſelliger gedechtnuß babſt Leo den achtſten/ auch vnſern vorfaren/ lāgeſt vß eehafften dann zuͦ mal vßgetruckten vrſachen da hyn verlyhen/ der criſtglaubigē beyder geſchlecht ein merck­liche zal zuͦ flucht hett/ vnd das der ſelb vnſer vorfaren babſt Eugenius/ des genanten cloſter dan̄ zuͦ mal abt das er vnd ſyn nach komen abbt des ſelben cloſters vn̄ teglich durch in vnd ſyn nach kōmen dar zuͦ by zyttē ge­ſetzte prieſter weltlich oder geiſtliche von der zyt an/ ze­hen iar lang/ der ſelben glaubigen ſo zuͦ ſolcher cappell vnd kylchen kemen bicht hoͤren/ vn̄ ſie von allen irē ſün den/ es weren dann ſolche darumb der babſtlich ſtuͦl bil lich geſuͦcht würd/ abſoluieren moͤchten/ durch etlich ſyn brieff verluhen hatt/ Der gemelt babſt nicolaus vnſer vorfaren dann zuͦ mal dem abt vnnd lieben ſuͦnen des conuents des ſelben cloſters vnd iren nach kumen ouch den prieſter ſo von innnen geſetzt wnrden biß vff fünf­zehen iar dann zuͦ mal nechſt künfftig des gelichen in­dult oder fryheit durch ander ſyn brieff verluhen hett/ vnd wir darnach des genantē babſt Leo vnd aller an­der roͤmiſchen biſchoffen vnſer vorfaren abloß vn̄ gnad