ſo denen die ſolche cappell vnd kilchen heymſuͦchēt/ verlühend vß babſtlicher krafft vnnd beriechtet gewiſſeneconfirmiert vn̄ beſtatiget vnd durch andere vnſer briefgelich lutend indult oder fryheit zuͦ ewigen zytten werende den ſelben abbt vnnd conuent vnnd iren nachkummen gerücht haben zuͦ lyhen/ als dann ſoliches inyetweders obgemelten briefen vol kumentlicher begriffen iſt/ Wir begerend das andacht/ der ſelben gloubigēvnd beſunder der bilgeren ſo zuͦ der cappellen oder kilchen zuͦ kerend/ empſiger vff wachs/ vnd das heyl derſelen witter ſich erſtreck/ dynen begirden an dem endezuͦ willforend/ das du/ der als du ſprichſt vß graffenvnd fryhen geſchlecht geboren biſt/ vnd dyn nach kumēdabbt des ſelben cloſters/ des gelichen ouch teglich durchüch geſetzte prieſter zuͦ zyten aller bilgeren ſo zuͦ ſolichercappell vnd kilchen vff des heyligen crütz tag erhoͤhūgvnnd viertzehen tag dar nach/ ſo die wyhung der genāten Cappell der man ſpricht die Engelwiche von demſibenden iar zuͦ ſiben iaren allein gewoͤlich iſt zuͦ begon.zuͦ kumenden bycht hoͤren/ vnd inen von allen iren ſünden/ ouch in yeden ſtucken dem gemelten ſtuͦl zuͦ romevorbehalten/ vß genomen belydigung fryheit der kylchen/ übertretter des interdicts von dem obgemeltē ſtuͦllvffgeleit/ ſünd der ketzery/ all beleydigung vngehorſame oder widerſatzung des roͤmiſchen biſchof oder beb/ſtlichen ſtuͦls/ prieſter todſchlag/ perſoͤnlich beleydigungeins biſchoffs oder ander prelaten/ angriffer/ reüber od̓zerſtoͤrer der land ſo der roͤmſchē kilhen on mittels vnder worffen ſint/ von wegen der pen ſo vff dē hohē dornſtag vffgeleit werden vnd ouch die angriffen die ſo gonrom ziehen oder all ander zuͦ dem roͤmiſchē hof kumēt
