Transkription / 1 [215

Do zal CIIIIIIII. Nnd der redt zu moyſen ynn der wüſte ſinai in dē tabernackel des gelübds. an dē erſten tag des andern monetz yn dē andern iar irs außgangs von egipto. ſagend. Nemend die ſumme aller ſammūg der ſün iſrahel durch ir geſchlecht vn̄ heuſer. vnnd die namen ir aller. was da ſey mennliches geſchlechtes. vonn zwayntzig iaren vnnd darüber. aller der ſterckſtenn mann von iſrahel. vnnd zellend ſye durch ir ſchar du vnnd aaron. Vnd ſye werden mitt euch fuͤrſten der gepurdt vnnd der heuſer ynn iren geſchlechten. Der namen ſeyn diſe. Vō dem geſchlecht ruben Eliſur der ſun ſedeur. Vonn dem geſchlecht ſymeon. ſalamihel der ſun ſuriſaddat vō dem geſchlecht iuda. naaſon der ſun aminadab. Vonn demm geſchlecht yſachar. natanael der ſun ſuar. von demm geſchlecht zabulon. elyab der ſun henon. Aber der ſun ioſeph von dem geſchlecht effraymm. eliſama der ſun ammiud. Vonn demm geſchlecht mannaſſe. gamalyel der ſun pha daſur. Vonn demm geſchlecht benyamin. abdian der ſun gedeonns. Vonn dem geſchlecht dann. abieſar. der ſun ammyſad dai. Vonn demm geſchlechte aſſer. ſaggyel. vnd