Transkription / 1 [214

Buch Das ſy werde verkaufft vmb. l. ſickel des ſylbers. Ob er zuhanndt gelobt den acker von dem anfahendē iar des ge naden reichen iars als vil ermag gel ten. alſo werde er geachtet. Verlobt ern aber nach etlicher zeit. der prieſter der acht das guͦt nach der zal der iar die da ſein vbrig biß zu dem gnaden reichen iar vnd werde abgezogē von dem werde. Vn̄ ob der. der do hat gelobt den acker den will loͤſen. er zu le ge den fünfften teyl der achtung des guͦtz vnnd beſitz yn. Will er yn aber nit loͤſſen. aber erwirt einē andern ver kaufft. wer der ſey der yn hat verlobet. d̓ mag yn fürbas nit loͤſen wan̄ ſo der tag des genadēreichē iars kumpt. er wirt geheyliget dē herrē vnd die heylig beſitzung gehoͤrt zu dē recht der prieſter. Ob der acker iſt verkaufft. vnd wirt nit geheyligt dem herrē von der beſitzūg der merern. d̓ prieſter der acht den werde nach der zal der iar biß zu dē genadēreichē iar vn̄ der in hat gelobt. der geb dē werd dē herrē. Wan̄ in dē genadereichē iar ſo kert der acker wider zu dem erſten herrē. der yn hat verkauffet vnd gehabt hat zu eynē teyl ſeyner beſitzūg Ein yegklich achtūg werd gewegen mit dē ſickel der heyligkeit. Dz ſickel hat.xx. helbling. Reyner mag gehei gen vnd gelobē die erſtē gepurt. dye do gehoͤre zu dē herrē. es ſey ein ochs oder ein ſchaff. ſy ſind des herrē. Vn̄ ob es iſt ein vnreyns tyer. der es opfer. er loͤß es nach ſeiner achtūg. vnd geb den fünfftē teyl des werdß Ob er es nit woͤlloͤſen. er verkauff es eynez andern. als vil als es vor wirt geachtet. Alles dz do wirt geheyligt dez herrē. es ſey der menſch od̓ eyn vich. oder ein acker. es ſol nit verkauftwer den. vn̄ mag auch nit geloͤſet werdē was dings zu einem mal wirt gehey liget dē herre. es wirt ein heyligkeyt der heyligkeit dem herrē. Vnnd eyn yeglich heiligung die do wirt geopfert von dē menſchē. die werd nit geloͤßt aber ſy ſterb des tods. Alles dz zehent teyl der erden es ſey von den früchten. oder von dē oͤppfeln d̓ baum die ſind des herrē. vn̄ ſy werdē im geheyliget. Will aber einer loͤſen ſeynē zehendē. der zulege irē funfftē teil aller zehendē. Des ſchaffes vn̄ des och ſen vn̄ der geyß. die do geen vnder d̓ rut des hirtē. was dings des zehendē kumpt. dz werd geheiliget dem herrē Erwelle nit dz gut noch dz boͤß. noch verwechſel das mit einē andern. verwechſelt aber einer. vnnd das do iſt verwechſellt. vnd vmb dz es iſt verwechſellt. es werd geheiligt dem her ren vnd werd nit geloͤſt Ditz ſein dy gebot die der herr gebot moyſi zu dē ſünen iſrahel. ynn dem berg ſynai. Hie hatt ein end das buͦch Leuiticus. vnd hebt an dz buͦch Numeri. das iſt das buͦch der zal vnd dz vierd buͦch moyſi. Das erſt. Capitel Wie alle ſtreytpere menner. benēnet vnd gezelt viſ. fürſten geordēt wurden. Vnnd das geſchlecht leui ward nit gezelet. ſunder zu der pfleg des ta bernackels verordnet.