Transkription / 1 [274

Buch Das ſo die furſte der yngeſind galaad dye ſün machir. die ſuͤn manaſſē von dem ſtamm der ſuͦn ioſſephs genachtē ſich vnd redte zu moy ſen vor dem furſten iſrahel. vn̄ ſprachen. Der herr hat dir gebotten vnſerem herren. das du teyleſt dz lannd mit dem loß den ſuͦnen iſrahel. vnd das du den toͤchtern ſalphaad vnſeres bruders gebeſt dye ſchuldigen beſitzung des vaters. ob dy wey ber nemen mann eins andern geſchlechtz. ir beſitzung. die volge ir vnnd wirt ſy enthebet zu eim andern geſchlechte ſo werde ſy von vnſerē erb gemyndert vnd es werd gethan alſo. ſo das genadenreich iar der erloͤſung zukumpt das iſt dz fuͤnfftzigſt die teylung des loß werde geſchendt vnnd die beſitzung der andern geen zu dem andern. Moyſes d̓ antwurt den ſuͤnen iſrahel. do es der herr gebott vnnd ſprach. Das geſchlecht d̓ ſün ioſephs hat recht geredet. vnnd diß iſt dye ee vber die tochter ſalphaad vnnd iſt eroͤffent vom herre. Sy gemeheln mit wen ſy woͤllen allein das es ſey mit den leuten irs geſchle chtz. das dye beſitzung der ſün iſrahel icht werde vermiſcht von geſchlecht yn geſchlecht. Wann alle dye mann ſüllen nemen weyber von ir geburt vnnd vonn irem geſchlecht. vnnd alle weiber die nemen die man̄ vonn dem ſelben geſchſecht. das das erbe beleyb vnder dē yngeſind noch die geſchlecht werden yn vermiſcht wann das ſye beleyben alſo als ſye ſeyn geſcheyden vonn dem herren. Vnnd dye toͤchter ſalphaad die tetten als yn was gebotten vnnd maa la vnnd therſa vnnd egla vnnd mel cha vnnd noa die gemehelten mitt den ſünen irer vettern von dem geſchlecht manaſſe. der do was d̓ ſun ioſephs. vnnd die beſitzung dy in wz zu dem zynß die beleybe vnder d̓ geburt vnnd vnder dem yngeſind ires vaters. Das ſeyn die gebot vnnd dy vrteyl die der herre gebot durch dye hand moyſi zu den ſuͦnen iſrahel in den veldē moab auff dem iordan gegener als. Hie hat ein ende das buch Numeri vnnd hebt ſich an das buch Deutronomij. das man nē net das buch der andern Ee. oder dz buch der widereuferung. vnnd iſt dz fünfft buch Moyſi. Das erſt Capitel Wie moyſes dem volck iſrahel ſaget. was yne vorzeytten geſchehē vn̄ begegent wer. vnnd was ſy fuͤrhyn thun ſolten vmb denwillen gottes.