Seite
Buch Das kuͦndten in das. Vnnd das wort ge­uiel allen do ſy es hoͤrten. vnnd dye ſün iſrahel lobten got vnnd fürbas ſprachen ſye yn keinerweyß. das ſye auffſtigen. vnnd ſtritten wider ſye. vnnd vertylgten das land irer beſi­tzung. vnnd die ſün ruben vnnd die ſuͤnigad. hyeſſen den altar den ſy het ten gebawen vnſer gezeugknuß das der herr ſey got. Das XIIIIII Capitel Wie ioſue das volck troͤſtet vn̄ ſter­cket zuhalten die gebot des herrē. ſo wuͤrde die benedeyung darnach kom men den die dye gebot hielten. Daber nun vil zeyt was vergangen nach dem vnnd der herr het gegeben denn fryd iſrahel. vnnd hetten im vnderworffen alle die ge­burt allenthalben vmb. vnnd ioſue was yetzund alt vnnd altes alters. Ioſue vordert alles iſrahel. vnd dy merern der geburt vnnd die fürſten. vnnd die hertzogē. vnd die meyſter. vnd ſprach zu in. Ich byn eraltet vn̄ byn vbergeendes alters. vnd ir ſecht alle ding die ewer herr got hatt ge­than allen denn geburten durch den vmbſchwayff. wie er ſelb hett geſtritt ten fu̇r euch Vnd nu das er euch hat geteylet alles das lande. vonn dem teyl des auffganges des iordanns. vntz zu dem groſſen meer. vn̄ noch ſeyn vil geſchlecht vber der herre eu­wer gott zerſtrewe vnnd neme ſy hyn von ewerm antlytz vnnd das ir beſi­tzend das land. als er euch hatt ge­lobt. Allein wert geſterckt vnd ſeytt ſorgſam das ir behüt alle ding. dye do ſein geſchriben yn dem buch d̓ ee moyſi. vnd nit neiget euch von ym noch zu der rechten noch zu der lin­cken. das. nach dem vnd ir eingeet zu den heyden. die do ſein künfftig vnd euch. ir icht ſchwert bey den namenn irer goͤtter. vnd dienent in. vnd an­bet ſy Aber ir ſüllet anhangē ewerm herren got. als ir habt gethan vntz an diſen tag. Vnnd dē nymbt ab der herr die micheln voͤlcker. vnd dy ſter ckiſten in ewerm angeſicht vnd key­ner mag euch widerſten. Eyner von euch iagt tauſent mann der feynde. wann der herr ewer got er ſelb ſtreit tet fu̇r euch. als er hat gelobt. ditz be huͦt allein fleyſſigklich. das ir lyeb habt ewern herren got. Vnnd ob ir aber woͤllent anhangen den irrſalen diſer heyden. die do wonen vnd euch vn̄ zeuermiſchen mit yne die ee vnd zuſamen fügen die freuntſchafft ſo wiſt nu yetzund. dz ſy ewer herr got nit vertilgt vor ewerm antlytz. aber ſy werden euch zu einer grube vnnd zu einem ſtrick vnd ein trübſal auß ewer ſeytten. vnd ein pfal in eweren augen. vntz das er euch abnimbt vn̄ euch verwüſt vō diſem beſtē land dz er euch hat geantwurt. ſecht heut gee ich dē weg aller erd. vn̄ ir werdet er­kennē in gantzē hertzē dz vō allen dē wortē. die der herr hat verſprochē. dz er euch woͤlle gebē. eins nit vergeen wirt vmbſunſt. Darūb als er hat er ſült mit dē werck dz er verhieß. vn̄ al le gkuckliche ding kamē. alſo wirt er zufüren vber euch was er euch vbels gedroet hat vntz dz er euch abnimbt vnd euch zerſtrewet vō diſem beſten lannd. das er euch hatt geantwurt. darumb das ir vbergeet das gebott ewers herren gotz. das er hat gema­cht mit euch vnnd dient dē frembdē