Transkription / 1 [359

Ioſue C VII. goͤttern vnnd anbettet ſy. Vnd der grimm zorn des herrē ſteet auff ſchier vnnd ſchnelligklich wider euch. vn̄ ir werdt abgenomen von diſem beſten land dz er euch hat geantwurt. Das XIIIIIIIII Capitel Wie ioſue dē volck erzellet die groſſen guttat. die yne der herr hett gethan. Vnnd wie ioſue ſtarb vnnd auch der prieſter elea zar. Nd ioſue ſant alle geſchlecht iſrahel yn ſichem. vnnd vordert alle merer des geburt vnnd die fürſten vnd die richter vnd die meiſter. vnd die ſtundē in dē angeſicht des herren vnd redt alſo zu dē volck Diſe ding ſpricht der herr got iſrahel. Ewer ve ter wonetē ienhalb des fluß vō anfang. thare der vater abraham. vnd nachor. vnd di enten dē frembdē goͤt tern. Darūb nam ich abrahā ewern vater von den enden meſopotamie. vnd zufürt yn inn das land chanaan. vnnd ich manigualtiget ſeynen ſamen. vnd gab ym yſaac. vnnd an der weyd gab ich im iacob vnd eſau Auß den gab ich eſau zubeſitzen den berg ſeyr. aber iacob vnnd ſein ſün giengen ab in egiptū. Vnd ich ſant moyſen vnd aaron. vnd ſchlug egy ptum mitt manigen zeychen vnnd wundern. vnnd fürt euch auß vnd eu wer vetter von egipto. vnd ir kambt zu dem meer vnd die egiptier nachuolgten ewern vettern mit wegē vn̄ mit reyttern. vntz zuͦ dem rottē mere. Aber die ſün iſrahel ſchryen zu dem herren. er ſatzt die finſternuß zwiſchē euch vn̄ den egiptiern. vnnd er fuͤrt vber ſy das meer. vnd bedeckt ſye. Vnnd ewer augen ſahen alle dinng die ich tet yn egipto. vnnd ir wontet yn der eynoͤde vil zeyt. vnd ich fuͦrt euch in das land amorrei. der do wo net ienhalb des iordans. Vnnd do ſy ſtrytten wider euch. ich antwurtt ſy in ewer hend vnd ir erſchlugend ſye vnnd beſaſt ir land. Aber balach der künig moab der ſun ſephor ſtūd auff vnd ſtryt wider iſrahel. Vnd er ſandt vnd vorderet balaam dē ſun beor. dz er euch flucht. aber ich wolt yn nit hoͤren. ſunder herwider geſeget ich euch durch in. vn̄ erloͤſetieuch von ſeyner hand Vnnd ir vbergiengt den iordan. vnd kambt zu ihericho. vnd die mann der ſtatt ſtreytten wi der euch. amorreus. vnnd phereſeus. vnnd chananeus. etheus. vnnd gergeſeus. vnnd eueus vnnd iebuſeus. vnnd ich antwurt ſye in euwer hend. vnnd ich ſandt vor euch hornuſſen oder webßen. vnnd warff ſye auß vō iren ſtetten. ich antwurt euch zwen künig der amorreer. zubeſitzen ir land nit in dē ſchwert vnd in deynem bogen. Vnnd ich gab euch das lannde ynn dem ir nit habt gearbeyt vnd die ſtet dye ir nit habt gebawet. dye weingarten. vnnd die oͤlgarten die ir nit habt gepflantzet. das ir wotent yn yne. Darumb nun ſuͤllet ir fuͤrchtennd denn herren. vnnd dyent ymm mitt eym volkummen herczenn. vnnd mitt eym warhafftigen vnnd nemet ab dye abgoͤtter den eu wer veter haben gedyenet yn meſopotamia. vnnd yn egipto. vn̄ dienent dem herrē Ob es aber euch wirt geſehen boͤß. das ir dienet dem herrē. euch wirt gegeben erwelung Erwelt ench heut was do gefelt wenn ir ſoͤll