Seite
Der Richter CI II. laad. yn dem mūd des waffens. als wol die weyb. als ir kinder. vn̄ ditz wirt das ir ſult behalten Alles men liches geſchlecht vnd weyber dye da habē erkāt die man̄ dy erſchlaht aber die iunckfrawen behaltet. Vnnd es wurden funden von iabis galaad vierhundert iunckfrawen die da nit hetten erkent das bett des mans. vn̄ fuͤrten ſye zuden herbergen ynn ſylo. ynn das land chanaan. Vnd ſanten botten zu den ſünen bemiamin dye da waren in dē ſteyn remmon. vnd gebotten ynn das ſy ſye empfiengen im frid. Vnd die ſün benamin ka­men ynn der zeyt. vnd ynn wurdē ge geben weyber von dē toͤchtern ia bis galaad. wann ſy ſundē nicht ander die ſy antwurten yn ſoͤllicher maß. Vnnd alles iſrahel was gar leydig. vn̄ macht buß vber die erſchlahung eins geſchlechts von iſra hel. vn̄ die merern der geburt ſprachē. Wz thun wir dē andern. die da nicht habē em­pfangē die weyber. Alle weyber ſeyn geuallen yn beniamin. vnd vnß iſt fu̇rzeſehen mit groſſer ſorg vnnd mit vnmeſſigem fleyß das icht werd ver tiget eyn geſchlecht von iſrahel. vn­ſer toͤchter muͦgen wir yn nicht gebē verbunden mit dem ayd. vn̄ vor dē fluche mit dē wir haben geſprochen. Verflucht iſt der. der da gibt benia­min eyn weyb von ſeynen toͤchtern Vnnd ſy namen eynen rat. vn̄ ſpra chen. Secht die hochzeyt des herren iſt ierlich in ſylo. die da iſt gelegen zu mirternach. der ſtat bethel. vnnd zu dem land des aufgangs. des weges der ſich richt vō bethel zu ſichimam vnnd zu mittemtag der ſtatt lebbo na. Vnnd ſy gebotten den ſuͦnen be niamin. vnnd ſprachen. Geet vnnd verbergt euch ynn dye weyngarten. Vnnd ſo ir ſecht die toͤchtern ſylo für geen nach der gewonheyt zufürē dye tentz. geet auß behend von den wein garten. vnnd zucket euch ewer yegk­licher yegkliche weyber von ynne. vnd geet ynn das land beniamin. Vnnd ſo ir veter vnnd die brüder komenn vnnd begynnen zuſuchen vnnd zu­kriegen wider euch. wir ſagen yn. Er barmt euch ir. Wann ſye haben ſye nitt gezuckt nach dem rechtē d̓ ſtreit ter. vnnd der vberwinder. Aber dar umb. das ſye euch gebetten habē. vn̄ habend yn nit weyber gegeben. dar­umb iſt dye ſund vonn ewerm teyl. Vnnd die ſun bemamin tetten als yn was gebotten. vnd zuckten in ir yegklich weyber nach irer zal. vonn den die da fuͦrten die tentze. vnd gien gen hyn zu iren beſitzungen. Sy pa weten ir ſtett. vnnd wonten yn inn Vnd die ſün iſrahel kerten wider in ire tabernackel durch die geſchlecht. vnd durch die yngeſinde. In den ta gen was keyn künig in iſrahel. vnd eyn yegklicher tett das yn bedaucht recht ſeyn. Hie hat ein end das buch der richter. das mann nen­net zu lateyn Iudicum. Hie hebt an das buch Ruth Das erſt Capitel Wie elymelech vn̄ noemy ſein weib vn̄ ire ſün in dz land moab giengē von der dürren zeyt wegen yn beth­leem. A iiij