Seite
brunig CI IIII Der ſo bitte ich dich o leſer. das du icht woͤlleſt wenen. das mein arbeit ſey eyn ſtraffung der alten In dem tem pel gottes opfer eyn yegklicher was er vermag. Etlich opfern gold vnd ſylber vnnd edel geſteyn. Ettlich biſ ſum vnnd purpuram. vnd coccum vnd opfern auch iacinctn̄ Es wirdt wol mitt vnß gewirckt. iſt das wir werden opfern die heutē vn̄ dy geiß har. Vnnd doch vrteilet der apoſtel das vnſere verſchmeliche ding mer nottürfftiger ſeien. Darūb dy gantz zyerung des taber nackels. vn̄ durch yegklich geſtalt der gegenwürtigen kirchen vnnd der kuͦfftigen. wirdt be deckt mit den heuten. vnd mitt den herintüchern. mit den ſye vertryben die hitze der ſunnen. vnnd die wider­wertigkeyt der regen. Darumb lyß zu dem erſten ſamuel. vnnd meinen malachim. Ich heyß das mein das da meyn iſt. Wann warumb. was wir offt vmbkeren. vnd beſſern ſorg ueltigklich vnnd gelernet haben vn̄ halten das iſt vnſer. Vnnd wann du vernimbſt. das du vor nicht haſt ge wiſſet. ſo ſchetz mich zu deinem tul­metzſchen iſt das dir das liebt. Oder ſchetz mich zu eynem falſchen außle­ger. iſt dz es dir nit liebt wie wol mir gantz nichtz wiſſend iſt das ich ichtz hab verwandelt von der hebreyſchē warheit. Sicherlich. iſt das du nitt gelaubig biſt. ſo lyß die kriechiſchen bucher. vnnd auch die latiniſchen. vn̄ mach dir ein geſprech mit diſen buch ern. vnnd wa du ſichſt. das ſy vnder yn entzwey ſeyn. vnd vneintrechtig ſo frag darumb eynen yegklichē he­breyſchen. vnnd dem magſt du wol bas verleyhen den glauben. Vn̄ iſt das der wirdt beſtetigen vnſer außle gung. ſo verre das du yn nit ſolt ſe­tzen für eynen tulmetzſchenn. das er an diſer hab geleich mitt vnß außge leget. Beſunder auch ir dienerin chei ſti. Bitt ich. ſo ir ſalbet das haubt des ruenden chriſti. mit dem edelen mirram des gelaubens. vnnd ir ynn keinerleyweyß ſuchend den ſeligma cher ynn dem grab. Wann warumb er iſt auch yetzunnd auffgeſtigen zu dem vater. das ir wolt den ſchilt ew­er gebett fürhaben. wider die pellen­den hund. die wider mich wüten mitt dem wuͤttenden mund. vnd vmbga ben die ſtatt. Vnnd ſchetzten ſich yn dem gelert. iſt das ſie den dye ere den andern abſchneyden. ſo habet für dy ſchilt ewer gebet. Aber ich weiß mein diemuͤtigkeytt vnnd will gedechtyg ſeyn alle dye zeytt des vernuͤfftigen ſpruches. Ich hab geſprochē. ich wil behüten meyne weg. auff das dz ich nicht ſuͦnde mit meiner zungen. Ich hab geſetzet die hut meynem mund. da der ſünder ſtund wider mich. Ich byn verſtummet. vnd gedemuͦtiget. Vnnd hab geſchwigen von dē guttē. Hie hebt an das erſt buch der künig. Das erſt Ca­pitel. Vonn helchana vnnd ſeynen weybern. vnnd von dem prieſter he­ly vnnd wie ſamuel geboren ward.